'दंगल' चित्रपटामुळे प्रकाशझोतात आलेल्या झायरा वसिमसोबत विमानप्रवासादरम्यान गैरवर्तन करणाऱ्या विकास सचदेवा या व्यक्तीला नुकताच जामीन मिळाला. आपल्या पतीला पोलिस कोठडीतून सोडल्यानंतर विकासच्या पत्नीने म्हणजे दिव्या सचदेवाने सुटकेचा नि:श्वास सोडला. असे असले तरीही सध्या मात्र सचदेवा आणि त्याच्या संपूर्ण कुटुंबाला एक वेगळीच भीती लागून राहिली आहे. 'स्पॉटबॉय ई'ने प्रसिद्ध केलेल्या वृत्तानुसार झायराशी गैरवर्तन केल्याप्रकरणीच्या खटल्याची पुढील सुनावणी २ जानेवारी २०१८ ला होणार आहे. सचदेवाचे भविष्य याच सुनावणीमध्ये ठरणार असल्यामुळे आता त्याकडेच त्याचे आणि त्याच्या कुटुंबीयांचे लक्ष लागून राहिले आहे. न्यायालयाच्या निर्णयाकडेच लक्ष लागून राहिलेल्या सचदेवाच्या मनात एक प्रकारच्या भीतीने घर केल्याची माहितीही सुत्रांनी दिली. VIDEO : जीममधील विद्युतचा हा व्हिडिओ पाहून तुम्हीही व्हाल हैराण दिल्ली ते मुंबई विमान प्रवासादरम्यान ‘दंगल गर्ल’ झायरा वसिम हिच्याशी असभ्य वर्तन करणाच्या आरोपाखाली विकास सचदेवावर भारतीय दंडसंविधानाच्या 'पोस्को' (Protection of Children from Sexual Offences Act) कायद्याअंतर्गत गुन्हा दाखल करण्यात आला होता. या कायद्याअंतर्गत त्याच्यावर कारवाई सुरु असतानाच त्याची रवानगी तळोजा कारागृहात करण्यात आली होती.
