बऱ्याच चर्चा आणि कलाकारांच्या प्रशंसेनंतर जान्हवी कपूर आणि इशान खट्टर यांच्या महत्त्वाच्या भूमिका असणारा ‘धडक’ हा चित्रपट प्रेक्षकांच्या भेटीला आला. स्टारकिड्स, घराणेशाही या मुद्द्यावरुन आणि ‘सैराट’शी होणारी तुलना पाहता या चित्रपटाची सुरुवातीपासूनच बरीच चर्चा होती. या चित्रपटाच्या निमित्ताने दिवंगत अभिनेत्री श्रीदेवी यांची मोठी मुलगी जान्हवी कपूर हिने अभिनय विश्वात पदार्पण केलं.

या बातमीसह सर्व प्रीमियम कंटेंट वाचण्यासाठी साइन-इन करा
ई-मेल द्या, नी साइन-अप करा
Already have a account? Sign in

शशांक खैतान दिग्दर्शित ‘धडक’ या चित्रपटासाठी फक्त जान्हवीच नव्हे, तर इशानच्याही अभिनयाचीही प्रशंसा कलाविश्वातून झाल्याचं पाहायला मिळालं. पण, सोशल मीडियावर मात्र त्यांचा हा चित्रपट चुकीच्या पद्धतीने धडकल्याचं स्पष्ट होत आहे. एकिकडे या चित्रपटाच्या बॉक्स ऑफिस कमाईकडे सर्वांचच लक्ष लागून राहिलेलं असताना दुसरीकडे सोशल मीडियावर त्याविषयीचे विनोदी मीम व्हायरल होत आहेत.

आणखी वाचा

‘धडक’ न आवडल्यामुळे हे मीम्स पोस्ट करणाऱ्यांची संख्या यात तुलनेने जास्त आहे. मुळात नागराज मंजुळे दिग्दर्शित ‘सैराट’ या सुपरहिट मराठी चित्रपटाशी ‘धडक’ची तुलना होत असल्यांमुळे अनेकांनीच त्या दृष्टीने आपली मतं मांडली आहेत.

वाचा : ‘लस्ट स्टोरीज’ : तिच्या ‘लालसे’ची चाकोरीबाहेरची चिकित्सा

सोशल मीडियावर व्हायरल होणारे हे मीम पाहता त्यावर चित्रपटातील कलाकार कसे व्यक्त होतात हे पाहणं महत्त्वाचं ठरणार आहे. दरम्यान, सध्याच्या घडीला ‘धडक’ची संपूर्ण टीम या चित्रपटाला मिळणाऱ्या सकारात्मक प्रतिसादाबद्दल चाहत्यांचे आभार मानत आहेत.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Bollywood movie dhadak review janhvi kapoor ishaan katter film gets trolled with hilarious memes
First published on: 23-07-2018 at 12:42 IST