‘मेजर साहब’, ‘खाकी’ किंवा ‘सत्याग्रह’ हे चित्रपट साऱ्यांच्याच लक्षात असतील. या चित्रपटाच्या माध्यमातून अमिताभ बच्चन आणि अजय देवगण हे दोन दिग्गज कलाकार प्रेक्षकांच्या भेटीला आले होते. त्यानंतर आता ७ वर्षानंतर मेडे या चित्रपटात ही जोडी दिसणार आहे. विशेष म्हणजे या चित्रपटात बिग व अजयसोबत अभिनेत्री रकुल प्रीतदेखील महत्त्वपूर्ण भूमिकेत झळकणार आहे. चित्रपट व्यापार विश्लेषक तरण आदर्श यांनी ट्विट व इन्स्टा पोस्ट करत रकुल प्रीत 'मेडे' या आगामी चित्रपटात झळकणार असल्याचं सांगितलं आहे. या चित्रपटात रकुल एक महिला वैमानिकाची भूमिका साकारणार आहे. View this post on Instagram A post shared by Taran Adarsh (@taranadarsh) आपल्या अभिनयाची प्रेक्षकांच्या मनावर छाप पाडणारा अजय ‘मेडे’ या चित्रपटाचं दिग्दर्शन करणार असून तो या चित्रपटात मुख्य भूमिकादेखील साकारणार आहे. त्याच्यासोबतच बिग बी देखील महत्त्वपूर्ण भूमिकेत पाहायला मिळणार आहेत. डिसेंबरमध्ये या चित्रपटाचं हैदराबादमध्ये चित्रीकरण करण्यात येणार असल्याचं म्हटलं जात आहे.
