बेजबाबदार बातम्या देणाऱ्या मीडिया हाऊसेस विरोधात शाहरुख, सलमान आणि आमिर खान यांच्या प्रॉडक्शन हाऊसेससह ३८ जणांनी कोर्टाचा दरवाजा ठोठावला आहे. रिपब्लिक टीव्ही, टाइम्स नाऊ, अर्णब गोस्वामी, प्रदीप भंडारी, राहुल शिवशंकर, नविका कुमार यांच्या विरोधात काही बॉलिवूड कलाकारांनी एकत्र येऊन याचिका दाखल केली आहे. दरम्यान त्यांच्या या निर्णयावर अभिनेते प्रकाश राज आणि अभिनेत्री स्वरा भास्कर हिने प्रतिक्रिया दिली. अवश्य पाहा - "गटार स्वच्छ होतंय तर यांना त्रास काय?"; याचिका दाखल करणाऱ्यांवर कंगना संतापली [Breaking] Bollywood hits back with a suit in Delhi High Court seeking to restrain Republic, Times Now from making derogatory remarks | Yaaaaaaassssssss!!!! — Swara Bhasker (@ReallySwara) October 12, 2020 अवश्य पाहा - पहिल्याच आठवड्यात 'ही' अभिनेत्री 'बिग बॉस'मधून बाहेर "ब्रेकिंग न्यूज, खोट्या बातम्या पसरवणाऱ्यांना जोरदार प्रत्युत्तर. दिल्ली उच्च न्यायालयात रिपब्लिक टीव्ही आणि टाईम्स नाऊ विरोधात याचिका दाखल. खुप चांगला निर्णय." अशा आशयाचं ट्विट करुन या दोन्ही कलाकारांनी शाहरुख, सलमान आणि आमिरला आपला पाठिंबा दर्शवला आहे. त्यांचं हे ट्विट सध्या सोशल मीडियावर सर्वांचेच लक्ष वेधून घेत आहे. — Prakash Raj (@prakashraaj) October 12, 2020 दिल्लीतील कोर्टात या चार जणांविरोधात आणि दोन चॅनल्स विरोधात याचिका दाखल करण्यात आली आहे. यामध्ये शाहरुख खान, आमिर खान, सलमान खान, अजय देवगण, करण जोहर, अक्षय कुमार, आदित्य चोप्रा, फरहान अख्तर, झोया अख्तर यांच्यासह महत्त्वाच्या प्रॉडक्शन हाऊसेसचा समावेश आहे. द फिल्म अँड टेलिव्हिजन प्रोड्युसर गिल्ड ऑफ इंडिया आणि सिने टीव्ही आर्टिस्ट असोसिएशन यांचाही याचिकाकर्त्यांमध्ये समावेश आहे. बॉलिवूडमधल्या कलाकारांविरोधात डर्ट, फिल्थ, स्कम, ड्रगीज अशा शब्दांचा वापर करण्यात आला आहे. या सगळ्यामुळे बॉलिवूडची बदनामी झाली. हे शब्द सिनेसृष्टीसाठी अपमानजनक आहेत असंही या याचिकेत म्हटलं आहे.