News Flash

गर्लफ्रेंडला महागडे गिफ्ट्स देण्यासाठी बॉलिवूड लेखकाची अजब युक्ती; पोलिसांनी केली अटक

प्रेयसीवरचं प्रेम लेखकाला पडलं भारी; पोलिसांनी केली अटक

बॉलिवूड चित्रपट आणि मालिकांसाठी पटकथा लिहिणाऱ्या एका लेखकाला ऑनलाइन फसवणूकीच्या आरोपाखाली मुंबई पोलिंसानी अटक केली आहे. शुभम पीताम्बर साहू असं या २८ वर्षीय लेखकाचं नाव आहे. हा व्यक्ती आपल्या प्रेयसीला महागड्या भेटवस्तू देण्यासाठी इतर लोकांसोबत आर्थिक फसवणूक करत होता. परिणामी ओशिवरा पोलिसांनी सापळा रचून त्याला ताब्यात घेतलं. सध्या पोलीस या प्रकरणाची संपूर्ण चौकशी करत आहेत.

अवश्य पाहा – चला आत्मनिर्भर होऊया; बेरोजगारांना व्यवसाय करण्यासाठी सोनू सूद देतोय रिक्शा

एबीपी न्यूजने दिलेल्या वृत्तानुसार या लेखकाची प्रेयसी एक युट्यूबर आहे. युट्यूब कॉन्टेटसाठी ती विविध शहरांना भेट देत असे. दरम्यान यासाठी लागणारी आर्थिक मदत आरोपी व्यक्ती करत होता. परंतु लॉकडाउनमुळे त्याचीही आर्थिक स्थिती ढासळली. प्रेयसीवर खर्च करण्यासाठी त्याच्याकडे पुरेसे पैसे नव्हते. परिणामी त्याने ऑनलाईन फसवणूकीचा मार्ग निवडला.

अवश्य पाहा – प्रियांकाचा ग्लॅमरस लूक पाहून हृतिक झाला घायाळ; म्हणाला, तू तर…

अलिकडेच त्याने मुंबईतील एका टूर्स अँड ट्रॅव्हल कंपनीसोबत फसवणूक केली. त्याने या कंपनीला खोटे मेसेज दाखवून जवळपास ३२ हजार रुपयांचा गंडा घातला. या प्रकरणी कंपनीने पोलिसांकडे तक्रार केली. चौकशीदरम्यान अशा प्रकारे त्याने अनेकांसोबत फसवणूक केल्याची माहिती समोर आली. सध्या पोलीस या प्रकरणाची अधिक चौकशी करत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 15, 2020 12:24 pm

Web Title: bollywood writer for cyber fraud for his girlfriend mppg 94
Next Stories
1 ‘फुलाला सुगंध मातीचा’ मालिकेत नवं वळण
2 “मम्मी कसम.. हे गाणं पाहून व्हाल वेडे”; राजपाल यादवनं शेअर केला मंत्रमुग्ध करणारा व्हिडीओ
3 Video : ‘माझी नवरी दिसतेस गं..’; मराठमोळ्या लूकमध्ये कार्तिकी-रोनितचा रोमॅण्टिक अंदाज
Just Now!
X