बॉलिवूड अभिनेत्री कंगना रणौत आपल्या वादग्रस्त वक्तव्यांमुळे नेहमीच चर्चेत असते. कंगना सोशल मीडियावर सक्रिय असल्याचे दिसते. सोशल मीडियाच्या माध्यमातून ती चाहत्यांच्या संपर्कात असते. मात्र आता कंगना नाही तर कंगनाच्या फॅन पेजने एक फोटो शेअर केला आहे. त्या फोटोवर कमेंट करत कंगनाने तापसीला टोला लगावला आहे. एकेकाळी कंगनाची बहीण रंगोली चंडेलने तापसी पन्नूला 'कंगनाची सस्ती कॉपी' बोलली होती. या सगळ्यात आता कंगनाच्या चाहत्यांनी तापसीचे काही फोटो शेअर केले आहेत. त्यापैकी एका फोटोला कंगनाने कमेंट केली आहे. “हा हा हा मी खूश आहे, ही माझी खरी चाहती आहे. हीने संपूर्ण आयुष्य माझ्यावर अभ्यास करण्यासाठी समर्पित केले आहे. या सगळ्यामुळे मी निराश होणार नाही. श्री. बच्चन यांच्यानंतर सर्वाधिक नक्कल माझीच केली जाते," अशी कमेंट करत कंगनाने तापसीला टोला लगावला आहे. Monkey see, monkey copy sasta Monkey sees, copies n looks more sasta Monkey. — Arzi (@Arzitasingh07) January 9, 2021 Ha ha ha I am flattered, she is a true fan, dedicated her whole existence to study and impersonate me to the point of dessolution it is rather impressive, also no other female superstar has taken over pop culture the way I have I am the most mimicked superstar after Mr Bachchan. — Kangana Ranaut (@KanganaTeam) January 9, 2021 दरम्यान, कंगना लवकरच ‘थलाइवी’ या चित्रपटात दिसणार आहे. या चित्रपटात ती तामिळनाडूच्या दिवंगत माजी मुख्यमंत्री जयललिता यांची भूमिका साकारत आहे. याशिवाय तिचा ‘तेजस’ हा चित्रपटही प्रेक्षकांच्या भेटीला येत आहे.