लोकप्रिय चिनी अभिनेत्री झेंग शुआंग वर्षाच्या सुरूवातीस मुलांना सोडून दिल्याबद्दल चर्चेत होती. ती Prada या फॅशन कंपनीची ब्रॅंड अॅम्बेसेडर होती. या घटनेनंतर तिला लगेच ब्रॅंड अॅम्बेसेडर म्हणून काढून टाकण्यात आले. आता तिला ओटीटी प्लॅटफॉर्मवरून पण काढणार आहे. झेंग शुआंगला ब्लॅकलिस्ट करण्यात आलं आहे. झेंग शुआंग ही 'चायनीज घोस्ट स्टोरी' या तिच्या आगामी सीरिजमध्ये मुख्य भूमिकेत होती. मात्र, मुलांना सोडून दिल्यामुळे तिला त्यातून काढण्यात येणार आहे. सीरिजच्या ज्या सीनमध्ये ती आहे त्या ठिकाणी आता तिच्या चेहऱ्याच्या जागेवर 'गुड बाय माय प्रिन्सेस' या सीरिजमधील Peng Xiaoran या अभिनेत्रीचा चेहरा लावण्यात येणार आहे. यासाठी चायनीज अथॉरिटी फॉर एअरिंगने देखील परवाणगी दिली आहे. जानेवारीत मुलांना सोडून दिल्याच्या बातमीमुळे झेंग शुआंगला ब्लॅकलिस्ट केले आहे. 'Dt. Appledog’s Time' च्या चित्रीकरणात छोट्या सीनमध्ये देखील तिला ब्लर करण्यात आले होते. 'चायनीज घोस्ट स्टोरी' या सीरिजसाठी तिला १६० मिलियन युआन देण्यात आले होते. हे पैसे परत मिळवण्यासाठी प्रोडक्शन कंपनी लीगल पद्धती वापरणार आहे. 'चायनीज घोस्ट स्टोरी' शिवाय झेंग शुआंगकडे 'सिक्रेट किपर्स' आणि 'Jade Lovers' या सीरिज देखील आहेत. या सीरिज अजून प्रदर्शित झालेल्या नाही. झेंग शुआंग तिच्या 'Meteor Shower' या मालिकेतील Chu Yuxun या भूमिकेमुळे घराघरात पोहोचली होती. View this post on Instagram A post shared by 郑爽 (@zhengshuang.official) झेंग शुआंगचा एक्स-बॉयफ्रेंड Zhang Hengने तिच्यावर आरोप लावले आहेत. तिने सरोगसीतून दोन मुलांना जन्म दिला. मात्र आता त्याचा ताबा घेण्यास नकार देतेय. त्या मुलांशी संबध नसल्याचं ती म्हणतेय.ही दोन्ही मुलं अमेरिकत जन्माला आली आहे. त्यांची सरोगेट आई ही तिथलीच आहे. आम्ही दोघे विभक्त झाल्यानंतर झेंग शुआंग सरोगसीने मिळालेल्या आपल्या दोन्ही मुलांना सोडून दिले. मुलांचा जन्म होण्याआधीच तिने त्यांचा बहिष्कार केला.