'बाहुबली' या चित्रपटातून खऱ्या अर्थाने प्रकाश झोतात आलेला अभिनेता म्हणजे राणा डग्गुबती. बऱ्याचदा आपल्या खासगी आयुष्यावर बोलणे टाळणाऱ्या राणाने सोशल मीडिया पोस्टद्वारे मोठा खुलासा केला. त्याने मिहीका बजाज सोबत फोटो शेअर करत रिलेशनशीपमध्ये असल्याचे म्हटले. त्यानंतर सोशल मीडियावर मिहीका आणि राणाच्या चर्चा रंगल्या. पण ही मिहीका आहे तरी कोण? असा प्रश्न अनेकांना पडला होता. तसेच बॉलिवूड अभिनेत्री सोनम कपूरने मिहीका आणि राणाचा फोटो शेअर करत त्यांना शुभेच्छा दिल्या. त्यामुळे मिहीका आणि सोनम कपूर यांच्यामध्ये नेमकं काय नातं आहे हे जाणून घ्यायला चाहते फार उत्सुक आहेत. राणा डग्गुबतीला मिहीकाने होकार देताच सोशल मीडियावर पोस्ट करत नात्याची अधिकृत घोषणा केली. त्यानंतर सोनम कपूरने देखील त्या दोघांचा फोटो तिच्या इन्स्टाग्राम अकाऊंटवर शेअर करत राणाचे कुटुंबामध्ये स्वागत आहे असे म्हटले आहे. 'माझी प्यारी मिहीका तुला खूप खूप शुभेच्छा' असे तिने पोस्टमध्ये म्हटले आहे. तिची ही पोस्ट पाहून सोनम आणि मिहीकामध्ये नेमकं काय नातं आहे असा प्रश्न चाहत्यांना पडला आहे. सोनप कपूर आणि मिहीका बजाज यांचे कुटुंबीय हे क्लोज फ्रेंड असल्याचे म्हटले जाते. सोनम कपूर मिहीकाला लहान बहिणी प्रमाणे मानते. त्यामुळे सोनम राणाची मेहुणी झाल्याचे म्हटले जात आहे. काही दिवसांपूर्वी मिहीकाने सोशल मीडियावर तिचा आणि सोनमचा फोटो शेअर करत सोनमला वाढदिवसाच्या शुभेच्छा दिल्या होत्या. View this post on Instagram Happy happy birthday Sona!! Here’s to many more nights of binging on junk, making you do my art projects, and fussing to sit on your lap! Love you to the moon and back! @sonamkapoor A post shared by miheeka (@miheeka) on Jun 9, 2019 at 1:38am PDT मिहीका बजाजची आई बंटी बजाज या दागिन्यांच्या व्यवसायातील प्रतिष्ठित व्यक्ती आहेत. त्या भारतातील प्रसिद्ध वेडिंग डेकॉर प्लॅनरसुद्धा होत्या. २०१७ मध्ये मिहीकाने स्वत:ची इव्हेंट मॅनेजमेंट कंपनी उघडली. 'ड्यू ड्रॉप डिझाइन स्टुडिओ' असे तिच्या कंपनीचे नाव आहे.