आपल्या वादग्रस्त ट्विटमुळे कमाल रशिद खान म्हणजे केआरके कायमच चर्चेत असतो. विविध विषयांवर कोणीही विचारलेलं नसताना हा स्वयंघोषित चित्रपट समीक्षक त्याची मतं मांडतो. विशेष म्हणजे सेलिब्रिटी त्याच्या ट्विटकडे फारसं लक्ष देत नाहीत. पण, नेटकरी मात्र त्याच्या ट्विटची आतुरतेने वाट पाहात असतात. अलिकडेच त्याने ट्विट करुन मुलगी होण्याची इच्छा व्यक्त केली आहे. "देवाकडे एकच प्रार्थना आहे, माझा पुढचा जन्म एका सुंदर आणि चांगल्या मुलीच्या रुपात कर. कारण, त्यामुळे मला आयुष्यात कधीत कोणती मेहनत करावी लागलणार नाही", असं ट्विट केआरकेने केलं आहे. विशेष म्हणजे या ट्विटच्या माध्यमातून त्याने अभिनेत्री रविना टंडनला टोला लगावला आहे. Bas God Se Ek hi request hai Ki Agle Janam Main, Mujhe Ek mast sundar Ladki Banana. Taaki Zindagi main Bilkul Bhi Mehnat Naa Karni Pade. — KRK (@kamaalrkhan) October 20, 2020 केआरके ने केलेल्या या ट्विटची सध्या सोशल मीडियावर चांगलीच चर्चा रंगली आहे. खरंतर त्याने हे ट्विट नेमकं कोणासाठी केलं होतं असा प्रश्न नेटकऱ्यांना पडला होता. मात्र, केआरकेने आणखी एक नवीन ट्विट करुन त्यात अभिनेत्री रविना टंडनच्या नावाचा उल्लेख केला. त्यामुळे केआरकेने आता त्याच्या टीकेची तोफ रविना टंडनच्या दिशेने डागल्याचं दिसून येत आहे. I can’t understand, why so many people don’t understand my tweets? Arey Yaar a beautiful girl always gets a multimillionaire husband and enjoy her entire life with his money. So it’s really good. So I want to do same thing during my next birth. My name should be Raveena Tondon. — KRK (@kamaalrkhan) October 20, 2020 दरम्यान, कमाल खान आपल्या वादग्रस्त वक्तव्यांसाठी प्रसिद्ध आहे. तो नेहमीच चकित करणारी चित्रविचित्र वक्तव्य करत असतो. या पार्श्वभूमीवर त्याने सोशल मीडिया वादावर केलेलं हे ट्विट सध्या जोरदार चर्चेत आहे.
