कवी, कथा-कादंबरीकार भीमसेन देठे आणि ज्येष्ठ पत्रकार, लेखिका प्रतिमा जोशी यांना यावर्षीचा ‘दया पवार स्मृती पुरस्कार’ जाहीर झाला आहे. पद्मश्री दया पवार स्मृती प्रतिष्ठानच्या वतीने दरवर्षी हा पुरस्कार देण्यात येतो. यंदाचा हा १९ वा पुरस्कार सोहळा असून २० सप्टेंबरला माटुंग्यातील कर्नाटक संघात होणाऱ्या सोहळ्यात या दोघांना पुरस्काराने सन्मानित करण्यात येणार असल्याची माहिती प्रतिष्ठानच्या अध्यक्षा हिरा पवार यांनी दिली आहे. पाच हजार रुपये रोख, स्मृतीचिन्ह असे या पुरस्काराचे स्वरूप असून पुरस्कार वितरण सोहळ्यात ‘रंगवेध’ या नाटय़संस्थेच्या वतीने दया पवार यांच्या निवडक कवितांचे सादरीकरण करण्यात येणार असल्याचे हिरा पवार यांनी सांगितले.
