बॉलिवूडचे सर्वात लोकप्रिय जोडपं अभिनेत्री दीपिका पदुकोण आणि अभिनेता रणवीर सिंग १४-१५ नोव्हेंबर २०१८ला इटलीतल्या लेक कोमो परिसरात असलेल्या एका आलिशान व्हिलामध्ये विवाह बंधनात अडकले. त्यांचे लग्न होऊन सहा महिने उलटले आहेत. परंतु दीपिकाने लग्नाच्या आठवणींना उजाळा देत एका चाहत्याने केलेल्या मजेशीर ट्विटबद्दल सांगितले आहे. नुकताच झालेल्या मुलाखतीमध्ये दीपिकाने तिच्या लग्नादरम्यान अनेक मीम्स व्हायरल झाले असल्याचे सांगितले. काही लोकांनी त्या दोघांच्या जोडीची खिल्ली उडवली तर काहींनी रणवीरला त्याच्या कपड्यावरुन ट्रोल केले होते. दीपिकाला एका चाहत्याने ट्विटमध्ये 'रणवीर दीपाकाच्या भांगेत कुंकू ऐवजी चिंग्सची चटणी भरणार' असे लिहिले असून रणवीरचा फोटो शेअर केला होता. त्यावर दीपिकाने मजेशीर उत्तर दिले आहे. हे खरे होऊ शकते. मला दाक्षिणात्य तिखट पदार्थ फार आवडतात त्यामुळे असे होणे शक्य आहे. रणवीरचे माझ्यावर प्रचंड प्रेम आहे त्यामुळे माझी इच्छापूर्ण करण्यासाठी तो हे करु शकतो असे मजेशीर उत्तर दीपिकाने दिले आहे. आता लग्नानंतर '83' चित्रपटात रणवीर आणि दीपिका एकत्र काम करणार आहेत. या चित्रपटात रणवीर कपिल देव यांची भूमिका साकारणार आहे तर दीपिका कपिल देव यांची पत्ना रोमी यांची भूमिका साकराणार आहे. या चित्रपटाच्या दिग्दर्शनाची धुरा चित्रपट दिग्दर्शक कबीर खान सांभाळत आहे. चित्रपटाच्या टीममध्ये रणवीर सिंग, एमी विर्क,चिराग पाटील ,साकीब सलीम ,ताहिर भसीन ,जतिन सरना ,जीवा, आदिनाथ कोठारे, साहिल खट्टर,पंकज त्रिपाठी हे कलाकार मुख्य भूमिकेत झळकणार आहेत. तसेच हा चित्रपट १० एप्रिल २०२० मध्ये प्रदर्शित होणार आहे.