News Flash

मिल्खा सिंग यांचा दिलदारपणा! ‘भाग मिल्खा भाग’ चित्रपटाच्या मानधनापोटी घेतला होता फक्त एक रुपया

२०१३ मध्ये मिल्खा सिंग यांच्या जीवनावर आधारित 'भाग मिल्खा भाग' हा चित्रपट आला होता.

हा चित्रपट बॉक्स ऑफिसवर सुपरहिट देखील ठरला होता.

भारताचे महान माजी धावपटू आणि ‘फ्लाईंग सिख’ अशी ओळख असलेले मिल्खा सिंग यांचे १८ जून रोजी निधन झाले. वयाच्या ९१व्या वर्षी त्यांनी अखेरचा श्वास घेतला. सोशल मीडियाच्या माध्यमातून अनेकांनी त्यांना श्रद्धांजली वाहिली आहे. २०१३ मध्ये मिल्खा सिंग यांच्या जीवनावर आधारित ‘भाग मिल्खा भाग’ हा चित्रपट आला होता. हा चित्रपट बॉक्स ऑफिसवर सुपरहिट देखील ठरला होता. पण या बायोपिकसाठी मिल्खा सिंग यांनी केवळ एक रुपया मानधनापोटी घेतला होता.

‘भाग मिल्खा भाग’ या चित्रपटात अभिनेता फरहान अख्तर आणि सोनम कपूर मुख्य भूमिकेत होते. या चित्रपटाचे दिग्दर्शन राकेश ओमप्रकाश मेहरा यांनी केले होते. बऱ्याचदा अनेक प्रसिद्ध व्यक्ती हे बायोपिकसाठी कोट्यावधी रुपये मानधनापोटी घेतात. पण राकेश यांचा ‘भाग मिल्खा भाग’ हा चित्रपट त्याला अपवाद ठरला. मिल्खा सिंग यांनी चित्रपटासाठी केवळ १ रुपया मानधनापोटी घेतला होता. ही एक रुपयाची नोट १९५८ सालची होती. याच वर्षी कॉमनवेल्थ स्पर्धेत मिल्खा सिंग यांनी पहिले सुवर्ण पदक पटकावले होते.

आणखी वाचा : ‘मी हे स्विकारायलाच तयार नाहीये’; मिल्खा सिंग यांच्या निधनाने फरहान अख्तर भावूक

दरम्यान, मोहालीतील एका रुग्णालयात मिल्खा सिंग यांना दाखल करण्यात आले होते. करोनाची चाचणी निगेटिव्ह आल्यानंतर त्यांना बुधवारी जनरल आयसीयूत ठेवण्यात आले. त्यानंतर मिल्खा सिंग यांना अचानक ताप आला. शिवाय त्यांच्या ऑक्सिजन पातळीतही घसरण झाली. आणि त्यांनी अखेरचा श्वास घेतला. मिल्खा सिंग यांच्या मृत्यूची बातमी कळताच देशभरातून शोक व्यक्त केला जातोय. बॉलिवूडमधील अभिनेता फरहान अख्तर याने देखील एक पोस्ट शेअर करत मिल्खा सिंग यांच्या निधनाचं दु:ख व्यक्त केलंय.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 19, 2021 5:20 pm

Web Title: did you know the flying sikh charged just rs 1 for bhaag milkha bhaag movie avb 95
Next Stories
1 ‘तू तिसरं लग्न करणार आहेस?’ श्वेता तिवारी झाली ट्रोल
2 लेकीने शेअर केलेला व्हीडीओ पाहून नीना गुप्ता म्हणाल्या “हे भगवान”!
3 ‘फादर्स डे’ आधी सोनू सूदने मुलाला गिफ्ट केली महागडी कार, किंमत ऐकून व्हाल थक्क
Just Now!
X