एखादा विनोदी व्हिडिओ लोक किती डोक्यावर घेतील आपण सांगू शकत नाही. नुकताच दोन लहान मुलांच्या भांडणाचा एक व्हिडिओ सोशल मिडियावर तुफान व्हायरल होत होता. त्यातला एक मुलगा दुसऱ्या मुलाला सतत शंकरपाळ्या म्हणत होता. चला हवा येऊ द्या या शोमधला एक अभिनेता आणि कारभारी लय भारी मधला जग्गू दादा यांच्यातही चांगलंच भांडण लागलंय.

झी मराठीनं नुकताच आपल्या सोशल मिडिया हँडलवर एक व्हिडिओ पोस्ट केला आहे. अभिनेता अंकुर वाढवे आणि महेश जाधव हे दोघे यात भांडताना दिसत आहेत. काही दिवसांपूर्वी व्हायरल झालेल्या दोन लहान मुलांच्या भांडणाच्या व्हिडिओवरून हा व्हिडिओ बनवला आहे. यात अंकुर महेशला धमक्या देतोय पण महेश मात्र शंकरपाळ्या या शब्दाशिवाय काही बोलतच नाही. मूळ व्हिडिओही प्रेक्षकांचं मनोरंजन करणारा ठरला होता, आता ह्याही व्हिडिओची मजा प्रेक्षक घेत आहेत.

मूळ व्हिडिओपेक्षा हा व्हिडिओ भारी असल्याच्या कमेंट्सही प्रेक्षकांनी या व्हिडिओवर केल्या आहेत. हा व्हिडिओ प्रेक्षकांना तुफान आवडला आहे. महेश जाधवनेही आपल्या इन्स्टाग्राम हँडलवरून हा व्हिडिओ शेअर केला आहे.

महेश सध्या कारभारी लयभारी या मालिकेत जग्गूदादा ही खलनायकी भूमिका साकारत आहे तर अंकुर चला हवा येऊ द्या या कार्यक्रमातून घराघरात पोहोचला आहे.