News Flash

‘डोण्ट वरी बी हॅप्पी’ मध्ये होणार ‘हा’ महत्वपूर्ण बदल

या नाटकाला प्रेक्षकांचा भरभरुन प्रतिसाद मिळत असल्यामुळे, नाटकातील हा महत्वपूर्ण बदल रसिकांना अचंबित करणारा ठरत आहे.

dbh
डोण्ट वरी बी हॅप्पी

पती- पत्नीचं नातं आणि जगण्यातला ताणतणाव यावर भाष्य करणाऱ्या ‘डोण्ट वरी बी हॅप्पी’ या नाटकाने मराठी रंगभूमीवर यशस्वी कामगिरी केली आहे. सोनल प्रॉडक्शन्सच्या नंदू कदम निर्मित मिहीर राजदा लिखित आणि अद्वैत दादरकर दिग्दर्शित या नाटकातील उमेश कामत आणि स्पृहा जोशी ही जोडीदेखील प्रेक्षकांची मनं जिंकून गेली. अनेक जोडप्यांसाठी हे नाटक काऊन्सिलरचं काम करतानादेखील दिसून येत आहे.

उमेश – स्पृहाच्या प्रभावी अभिनयाने रसिकांना ‘हॅप्पी’ करणाऱ्या या नाटकात लवकरच महत्वपूर्ण बदल घडणार आहे. आजच्या पिढीतील नवरा बायकोची कथा मांडणाऱ्या या नाटकातील ‘प्रणोती’ एका नव्या रुपात लोकांसमोर येणार आहे. कारण, स्पृहाने गाजवलेल्या या भूमिकेला आता नवा चेहरा मिळणार असून, हा चेहरा नेमका कोणाचा असेल हे सध्या गुपित ठेवण्यात आले आहे.

वाचा : सेक्सी दुर्गा चित्रपटाच्या दिग्दर्शकाचे अन्यायाविरोधात पंतप्रधानांना पत्र

‘डोण्ट वरी बी हॅप्पी’ हे नाटक लवकरच २७५ व्या प्रयोगाचा पल्ला गाठणार असून, चांगलं बुकिंग घेत असलेल्या खूप कमी मराठी नाटकांमधील हे नाटक आहे. आजदेखील हे नाटक चांगलं चालत असल्यामुळे, नाटकातील हा महत्वपूर्ण बदल नाट्यरसिकांना अचंबित करणारा आहे. याविषयी स्वतः स्पृहा जोशी हिने आपल्या सोशल नेट्वर्किंग साइटवर माहिती दिली. ‘डोण्ट वरी बी हॅप्पी’ या नाटकातील माझ्या भूमिकेवर रसिकांनी भरभरून प्रेम केले आहे. मात्र इतर काही कामांमध्ये व्यग्र असल्यामुळे मी या भूमिकेतून बाहेर पडत आहे. मी जरी नसले तरी, या नाटकाचा प्रवास यशस्वीरित्या अखंड चालू राहील असा मला विश्वास आहे. सध्याच्या काळाच्या नजरेतून बदलणारी नवराबायकोच्या नात्याची व्याख्या आणि विचार हा या नाटकाचा केंद्रबिंदू आहे. त्यामुळे, हा प्रत्येकांच्या जिव्हाळ्याचा विषय असून, या नाटकाला प्रेक्षकांची अशीच भरभरून साथ लाभो ही सदिच्छा’, असे तिने सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 10, 2018 10:11 am

Web Title: dont worry be happy drama major change spruha joshi and umesh kamat
Next Stories
1 Photos: सौंदर्य कसे असावे तर ऐश्वर्या राय बच्चनसारखे असावे
2 ‘हाय जॅक’ सिनेमाच्या स्टार्सना भेटायची शेवटची संधी…
3 नाटकांच्या प्रयोगपूर्व परिनिरीक्षणाची अट फक्त महाराष्ट्रातच
Just Now!
X