01 October 2020

News Flash

एड शीरनचे ट्विटर एक्झिट

तरुणांना मोहजालापासून दूर राहण्याची विनंती केली आहे.

एड शीरन

अगदी काल परवाची गोष्ट आहे. पॉपस्टार केटी पेरीने ट्विटरवर १०० दशलक्ष फॉलोअर्स गोळा करून समाजमाध्यमांच्या इतिहासात एक नवीन विक्रम प्रस्थापित केला. सध्या समाजमाध्यमांत जास्तीत जास्त चाहते गोळा करण्याचा ट्रेंड कलाकारांमध्ये रुजलेला आहे. जस्टिन बिबर, रिहाना, किम कदार्शियन, जस्टिन टिम्बरलेक यांसारखी अनेक सेलिब्रिटी यामुळे चर्चेत असताना एड शीरन या सध्याच्या लोकप्रिय गायकाने मात्र ट्विटर आदी समाजमाध्यमांपासून दूर राहण्याचा निर्णय घेतला आहे. एड शीरन या ब्रिटिश गायकाने नुकतेच आपले ट्विटर अकाऊंट बंद केले असून तरुणांना या मोहजालापासून दूर राहण्याची विनंती केली आहे. त्याच्या मते लोकांना आपले विचार सहज बेधडकपणे मांडता यावेत या चांगल्या हेतूने समाजमाध्यमांचा शोध लागला होता. परंतु अनेक चांगल्या गोष्टींचा जसा गैरफायदा घेतला जातो त्याचप्रमाणे याचाही गैरवापरही वाढला आहे. अनेक लोक कोणताही विचार न करता मनाला वाटेल ते समाजमाध्यमांवर अपलोड करतात. कोणी काय लिहावे? हा ज्याचा त्याचा वैयक्तिक प्रश्न जरी असला तरी आपल्यामुळे इतरांच्या भावना दुखावल्या जाणार नाहीत याचे भान राखणे हे आपले नैतिक कर्तव्य आहे. अनेक दहशदवादी संघटना याच समाजमाध्यमांच्या मदतीने तरुण वर्गाला चुकीच्या मार्गावर नेत आहेत. त्यामुळे ट्विटर अकाऊंट उघडले की काहीतरी नकारात्मकच वाचायला मिळते. आणि असा एक नकारी विचार आपला संपूर्ण दिवस खराब करतो. त्यामु़ळे यावर एकमेव उपाय म्हणजे स्वत:च त्यापासून दूर जाणे आहे. म्हणूनच त्याने आपले ट्विटर अकाऊंट बंद केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 16, 2017 4:42 am

Web Title: ed sheeran quit twitter hollywood katta part 27
Next Stories
1 जीएसटीकारणे संभ्रमाचा अंक..
2 चवदार वळणवाटांवर!
3 इराणीश अमेरिकी!
Just Now!
X