भारताचे पंतप्रधान नरेंद्र मोदी यांचा आज वाढदिवस आहे. नरेंद्र मोदींनी आज वयाच्या ७० व्या वर्षात पदार्पण केले. मोदी हे देशातील सर्वाधिक लोकप्रिय नेते आहेत. जनमानसता त्यांची एक खास प्रतिमा आहे. वाढदिवसाच्या निमित्ताने पंतप्रधान मोदींना सर्वपक्षीय नेत्यांनी शुभेच्छा दिल्या आहेत. दरम्यान अभिनेत्री फराह खान अली हिने देखील मोदींना शुभेच्छा दिल्या आहेत. लक्षवेधी बाब म्हणजे शुभेच्छा देत असताना तिने 'आत्मनिर्भर भारत' या संकल्पनेवरुन मोदींना हलकीशी कोपरखळी देखील मारली आहे. Happy birthday to PM @narendramodi . May he help resolve issues that plague our country at large like Economic Crisis, Covid, Unemployment & Communal disharmony.I dream of India being a Super power where our people live TOGETHER as ONE, a rich country that truly is “Aatmanirbhar” — Farah Khan (@FarahKhanAli) September 17, 2020 "पंतप्रधान मोदींना वाढदिवसाच्या हार्दिक शुभेच्छा. वेगाने घसरणारी अर्थव्यवस्था, बेरोजगारी, धार्मिक मतभेद यांसारख्या मुद्द्यांना मोदी सोडवतील अशी अपेक्षा आहे. लवकरच भारत सुपरपावर होईल अशी स्वप्न मी पाहतेय. आपल्या देशात समानता असेल आपण खऱ्या अर्थाने आत्मनिर्भर असू" अशा आशयाचं ट्विट करुन फराह खानने मोदींना शुभेच्छा दिल्या आहेत. फाराहने आजवर अनेकदा नरेंद्र मोदींवर टीका केली आहे. केंद्राने घेतलेल्या अनेक निर्णयांचा तिने विरोध केला आहे. या पार्श्वभूमीवर शुभेच्छांच्या माध्यमातून तिने मोदींना कोपरखळी मारली असं म्हटलं जात आहे. तिचं हे ट्विट सध्या सोशल मीडियावर सर्वांचेच लक्ष वेधून घेत आहे.