टीव्ही अभिनेत्री व मॉडेल गहना वशिष्ठला सेटवर कार्डिअॅक अरेस्ट आल्याने रुग्णालयात दाखल करण्यात आले आहे. सध्या तिची प्रकृती गंभीर असल्याचं डॉक्टरांनी सांगितलं आहे. एका वेब सीरिजची शूटिंग करत असताना गहना कार्डिअॅक अरेस्ट आल्याने अचानक खाली कोसळली. त्यानंतर तिला मालाड इथल्या रक्षा रुग्णालयात दाखल करण्यात आलं. गहनावर आयसीयूत उपचार सुरु असून तिची प्रकृती नाजूक असल्याचं समजतंय.

या बातमीसह सर्व प्रीमियम कंटेंट वाचण्यासाठी साइन-इन करा

गहना प्रथमोपचारांना प्रतिसाद देत नव्हती. तिला श्वास घ्यायलाही अडचण होत होती. त्यामुळे तिला व्हेंटिलेटरवर ठेवण्यात आल्याची माहिती डॉक्टरांनी दिली आहे. काही औषधे व त्याच वेळी घेतलेल्या काही एनर्जी ड्रिंक्समुळे गहनाच्या आरोग्यावर विपरित परिणाम झाल्याची शक्यता डॉक्टरांनी वर्तवली आहे. गुरुवारी मड आयलँड इथं एका वेब सीरिजच्या शूटिंगदरम्यान ही घटना घडली.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Gandii baat actress gehana vasisth battling for life after cardiac arrest ssv
First published on: 22-11-2019 at 19:42 IST