बॉलिवूड अभिनेता शाहरुख खान चित्रीकरणासाठी बऱ्याच वेळा घरापासून दूर असतो. पण सध्या करोना व्हायरसमुळे उद्भवलेल्या परिस्थितीमुळे शाहरुख कुटुंबीयांसोबत मुंबईमधील 'मन्नत' बंगल्यामध्ये राहून वेळ घालवत होता. दरम्यान शाहरुखची पत्नी गौरी खानने एका मुलाखतीमध्ये शाहरुखशी आणि मन्नतशी संबंधीत अनेक गोष्टींचा खुलासा केला आहे. नुकतीच गौरी खानने NDTVला मुलाखत दिली. या मुलाखतीमध्ये गौरीने सांगितली की तिची आई दिल्लीमध्ये राहुन 'मन्नत'मधील कामे सांभाळते. त्या मन्नतमध्ये काम करणाऱ्या कर्मचाऱ्यांसोबत फोन कॉल आणि व्हॉट्सअॅपद्वारे सतत संपर्कात असतात. त्या घरातील साफ-सफाई आणि इतर कामेही त्या फोनद्वारे करुन घेतात. या सर्व कामांमध्ये त्या स्वत:ला व्यग्र ठेवतात जेणे करुन त्यांचा वेळ जाईल. View this post on Instagram Squeezing memories into one frame. A post shared by Gauri Khan (@gaurikhan) on Nov 3, 2019 at 7:10pm PST 'बऱ्याचवेळा माझी कामे माझी आई रिमोट कंट्रोलद्वारे करतात. त्या दिल्लीमध्ये राहतात. पण त्या तिकडे राहत असल्या तरी मन्नतमधील कामे करतात. व्हॉट्स अॅप कॉल आणि मेसेजद्वारे त्या घरात काम करणाऱ्या लोकांना कुठे साफ-सफाईची गरज आहे हे सर्व सांगत असतात. त्या दिल्लीमध्ये राहून सगळं काही कंट्रोल करतात. मी त्यांच्याकडून खूप काही शिकले' असे गौरीने म्हटले आहे.