बॉलिवूड अभिनेत्री यामी गौतम आणि विक्रांत मेसी यांचा ‘गिन्नी वेड्स सनी’ हा चित्रपट लवकरच प्रेक्षकांच्या भेटीला येणार आहे. या चित्रपटातील ‘लोल’ आणि ‘सावन में लग गई आग’ ही दोन गाणी प्रदर्शित झाली होती. ही गाणी प्रदर्शित होताच सोशल मीडियावर चर्चेत होती. आता चित्रपटातील आणखी एक गाणे प्रदर्शित झाले आहे. आता 'गिन्नी वेड्स सनी' या चित्रपटामधील 'रुबरु' हे गाणे प्रदर्शित झाले आहे. या गाण्यामध्ये यामी आणि विक्रांत यांची केमिस्ट्री पाहण्यासारखी आहे. सध्या हे गाणे सोशल मीडियावर तुफान व्हायरल झाले असून अनेकांना आवडले असल्याचे पाहायला मिळते. ‘गिन्नी वेड्स सनी’ हा एक रोमाँटिक कॉमेडी चित्रपट आहे. या चित्रपटाची निर्मिती विनोद बच्चन यांनी केली आहे. या चित्रपटात यामी गौतम आणि विक्रांत मेसी यांची केमिस्ट्री पाहण्यासाठी चाहते प्रचंड उत्सुक असल्याचे पाहायला मिळते. हा चित्रपट ९ ऑक्टोबर रोजी नेटफ्लिक्सवर प्रदर्शित होणार आहे. तसेच या चित्रपटाच्या निमित्ताने यामी आणि विक्रांत पहिल्यांदाच एकत्र काम करणार आहेत.
