22 February 2020

News Flash

ओळखा कोण आहे हा चिमुकला? ‘चला हवा येऊ द्या’मधून गाजवतोय महाराष्ट्र

प्रेक्षकांना खळखळून हसवणारा, त्यांची सगळी दु:ख विसरायला लावणारा आणि तुफान मनोरंजन करणारा हा कलाकार आहे तरी कोण?

ओळखा पाहू या चिमुकल्याला...

या फोटोमधील चिमुकल्याला ओळखलंत का? बाजूला असलेल्या टेबलावर हात ठेवून उभा असलेल्या या मुलाच्या चेहऱ्यावर अगदी अवाक् भाव दिसून येत आहेत. पण हा चिमुकला आता अवघ्या महाराष्ट्राला खळखळून हसवतोय. ‘चला हवा येऊ द्या’ या लोकप्रिय कार्यक्रमामुळे तो सर्वांच्याच अधिक परिचयाचा झाला आहे. प्रेक्षकांना खळखळून हसवणारा, त्यांची सगळी दु:ख विसरायला लावणारा आणि तुफान मनोरंजन करणारा हा चिमुकला आहे अभिनेता भालचंद्र कदम अर्थात प्रेक्षकांचा लाडका भाऊ कदम.

भाऊ कदम हे आजच्या घडीला मनोरंजन क्षेत्रातील महत्त्वाचे नाव आहे. इतकं यश, लोकप्रियता आणि प्रसिद्धी मिळूनही भाऊ कदमच्या स्वभावातील साधेपणा आजही कायम आहे. त्यामुळेच साधं राहणीमान, कामावरील श्रद्धा आणि कुटुंबावरील जीवापाड प्रेम यामुळे भाऊ कदम रसिकांचा लाडका बनला आहे. भाऊने त्याच्या लहानपणीचा फोटो त्याच्या इन्स्टाग्राम अकाऊंटवर पोस्ट केला होता.

एका मुलाखतीत आपल्या भूमिकांविषयी भाऊ म्हणालेला की, “विनोदामुळे दु:ख हलके होते. मी गंभीर भूमिका केल्यास प्रेक्षकांनाही आवडणार नाही.” ‘चला हवा येऊ द्या’ या कार्यक्रमासोबत भाऊ कदम काही चित्रपट आणि नाटकांमध्येही काम करतोय. शूटिंगच्या व्यग्र वेळापत्रकामुळे भाऊला आपल्या कुटुंबाला फारसा वेळ द्यायला मिळत नाही. पण शूटिंग नसताना तो कुटुंबीयांसोबत निवांत क्षण आवर्जून घालवतो. भाऊ व ममता यांच्या सुखी संसारात त्यांच्या तीन मुलीही आहेत. मृण्मयी, संचिती आणि समृद्धी अशी भाऊच्या लाडक्या लेकींची नावं आहेत.

First Published on February 11, 2020 12:56 pm

Web Title: guess this marathi actors from his childhood photo ssv 92
Next Stories
1 आदित्य आणि नेहा कक्करच्या लग्नाबाबत उदित नारायण यांचा मोठा खुलासा
2 रोहिणी हट्टंगडी सांगतात, एनर्जेटिक काम करण्यामागचं गुपित
3 काम्या पंजाबीला दुसऱ्या लग्नावरून ट्रोल करणाऱ्याला ‘चंद्रमुखी चौटाला’ने दिलं सडेतोड उत्तर
X
Just Now!
X