सध्या अनेक कलाकार लग्नबंधनात अडकताना दिसत आहे. अभिनेत्री शर्मिष्ठा राऊत, अभिनेत्री अभिज्ञा भावे, सिद्धार्थ चांदेकर, अस्ताद काळे यांच्या पाठोपाठ 'हे मन बावरे' मालिकेतील अभिनेता संग्राम समेळ आता दुसऱ्यांदा लग्न बंधनात अडकला आहे. त्याच्या लग्नातील काही फोटो सोशल मीडियावर सध्या व्हायरल झाले आहेत. संग्रामने डान्सर श्रद्धा फाटकशी लग्न केले आहे. इचलकरंजी येथे त्यांचा विवाहसोहळा पार पाडला. त्यांच्या लग्नासोहळ्याला काही मोजक्याच लोकांनी हजेरी लावली होती. आता लग्नसोहळ्यातील अनेक फोटो सोशल मीडियावर व्हायरल झाले आहेत. View this post on Instagram A post shared by Rishikesh Shah (@rishiyshah) संग्रामने २०१६मध्ये अभिनेत्री पल्लवी पाटीलशी लग्न केले होते. पल्लवीने 'रुंजी' या मालिकेत काम केले. संग्राम आणि पल्लवीचा संसार फार काळ टिकला नाही. त्यांनी विभक्त होण्याचा निर्णय घेतला. आता संग्रामने श्रद्धासोबत पुन्हा नव्या आयुष्याला सुरुवात केली आहे. View this post on Instagram A post shared by Rishikesh Shah (@rishiyshah) संग्रामने आजवर अनेक मालिकांमध्ये काम केले आहे. पण करिअरची सुरुवात त्याने नाटकापासून केली आहे. त्याने 'पुढचं पाऊल' या मालिकेत काम केले आहे. या मालिकेतील समीरच्या भूमिकेने त्याला ओळख मिळवून दिली. तसेच स्टार प्रवाहवरील 'ललित २०५' या मालिकेतही काम केले होते. या मालिकेत त्याने राजाध्यक्षची भूमिका साकारली होती. त्याने 'हे मन बावरे' या मालिकेत देखील काम केले आहे.
