बॉलिवूडचे महानायक अमिताभ बच्चन यांना करोना विषाणूची लागण झाली आहे. त्यांना उपचारासाठी नानावटी रुग्णालयात दाखल करण्यात आलं आहे. बिग बींनी स्वत: ट्विट करुन याबाबत आपल्या चाहत्यांना माहिती दिली. या ट्विटमुळे त्यांचे चाहते चिंतेत आहेत. अभिनेत्री हेमा मालिनी यांनी देखील ट्विटद्वारे बिग बींसाठी प्रार्थना केली आहे.

अवश्य पाहा – सलमानचं ‘सल्लू’ हे नाव कोणी ठेवलं?; भाईजानने सांगितला आपल्या नावाचा अजब किस्सा

अवश्य पाहा – “मी भारतीय असल्यामुळे…”; अभिनेत्रीने सांगितला परदेशातील ‘तो’ धक्कादायक अनुभव

काय म्हणाल्या हेमा मालिनी?

“अमितजी यांना करोना विषाणूची लागण झाली आहे. उपचारासाठी त्यांना नानावटी रुग्णालयात भरती करण्यात आलं आहे. मी त्यांच्या तंदुरुस्तीसाठी प्रार्थना करत आहे. मला खात्री आहे की आपल्या सर्वांच्या प्रार्थनांमुळे अमितजी सुखरुप घरी परततील.” अशा आशयाचं ट्विट हेमा मालिनी यांनी केलं आहे. त्यांचं हे ट्विट सध्या सोशल मीडियावर सर्वांचंच लक्ष वेधून घेत आहे.

काय म्हटलं होतं अमिताभ बच्चन यांनी?

“माझी करोना चाचणी पॉझिटिव्ह आली आहे. त्यामुळे मी रुग्णालयात दाखल झालो आहे. काही चाचण्या आणखीही केल्या जाणार आहेत. मागील दहा दिवसात जे माझ्या संपर्कात आले होते त्यांनीही चाचणी करावी असं आवाहन मी करतो आहे.” अशा आशयाचं ट्विट अमिताभ बच्चन यांनी केलं होतं.