लॉकडाउननंतर छोट्या पडद्यावरील अनेक मालिका आणि बॉलिवूड चित्रपटांचे चित्रीकरण पुन्हा सुरु झाले आहे. पण चित्रीकरण सुरु होताच सेटवर क्रू मेंबर्ससह अनेक कलाकरांना करोनाची लागण झाल्याचे समोर आले. आता हप्पू की उलटन पलटन या मालिकेतील अभिनेत्री हिमानी शिवपुरी यांची करोना चाचणी पॉझिटीव्ह आली आहे. हिमानी यांनी त्यांच्या इन्स्टाग्राम अकाऊंटवर एक पोस्ट शेअर केली. या पोस्टमध्ये त्यांनी त्यांचा फोटो शेअर केला आहे. 'शुभ सकाळ! माझी करोना चाचणी पॉझिटीव्ह आली आहे. जे कोणी माझ्या संपर्कात आले कृपया त्यांनी करोना चाचणी करुन घ्या' असे म्हणत हिमानी यांनी विनंती केली आहे. त्यांच्या या पोस्टवर त्यांच्यासोबत मालिकेत काम करणाऱ्या कलाकारांनी कमेंट केल्या आहेत. View this post on Instagram Gud morning this to inform you that I tested positive for Covid.Anyone who has come in contact with me kindly get yourself tested. A post shared by Himani Shivpuri (@hshivpuri) on Sep 11, 2020 at 9:38pm PDT पीटीआयने दिलेल्या वृत्तानुसार, हिमानी यांना मुंबईमधील रुग्णालयात दाखल करण्यात आले आहे. 'मी ६० वर्षांची असल्यामुळे डॉक्टरांनी मला दवाखाण्यात अॅडमीट होण्याचा सल्ला दिला. त्यामुळे मी रुग्णालयात दाखल झाले आहे' असे त्यांनी म्हटले आहे. महाराष्ट्रात २२ हजार नवे रुग्ण गेल्या २४ तासांत राज्यात २२,०८४ नव्या रुग्णांची नोंद झाली असून, ३९१ जणांचा करोनामुळे मृत्यू झाला. उपचाराधीन रुग्णांची संख्या पावणे तीन लाखांवर गेली असून, रुग्ण संख्या कमी होत नसल्याने आरोग्य विभागाची चिंता वाढली आहे. राज्यात आतापर्यंत सात लाखांपेक्षा अधिक रुग्ण करोनामुक्त झाल्याचे आरोग्यमंत्री राजेश टोपे यांनी सांगितले. दिवसभरात १३,४८९ रुग्ण बरे होऊन घरी परतले. राज्यातील रुग्ण बरे होण्याचे प्रमाण हे ७०.२ टक्के आहे. राज्यात आतापर्यंत १० लाख ३७ हजार करोनाबाधित रुग्ण आढळले तर २९,११५ जणांचा मृत्यू झाला.