हॉलिवूडच्या ज्येष्ठ अभिनेत्री आणि गायिका डॉरिस डे यांचे वृद्धापकाळाने निधन झाले आहे. त्या ९७ वर्षांच्या होत्या. डॉरिस डे या अमेरिकेतील सर्वात मोठ्या बॉक्स ऑफिस स्टार होत्या. हॉलिवूडमध्ये 'द गर्ल नेक्स्ट डोअर' या नावाने त्या प्रसिद्ध होत्या. केवळ अभिनयच नाही तर प्राण्यांच्या सेवेसाठीदेखील त्यांनी योगदान दिलं होते. प्राण्यांच्या सेवेसाठी त्यांनी वयाच्या ५० व्या वर्षी हॉलिवूडला रामराम ठोकला. त्यांचं अॅनिमल फाऊंडेशन असून त्या पशु कल्याण कार्यकर्त्यादेखील होत्या. कॅलिफोर्नियातील कार्मेल व्हॅलीत राहत्या घरी डे यांनी अखेरचा श्वास घेतल्याचं डॉरिस डे अॅनिमल फाउंडेशनने कळवलं आहे. एप्रिल १९२२ मध्ये डे यांचा जन्म झाला होता. त्यांच्या पूर्वाश्रमीचं नाव मेरी अॅन व्होन कॅपलहॉफ असं होतं. अभिनय क्षेत्रात पदार्पण करण्यापूर्वी त्यांना नृत्यांगना व्हायचे होते. मात्र एका अपघातामध्ये त्यांच्या पायाला दुखापत झाली आणि त्यांचे हे स्वप्न भंगले. The great Doris Day left us and took a piece of the sun with her. She brighten our lives and lived out her life with dignity. May she rest peacefully. — Goldie Hawn (@goldiehawn) May 13, 2019 डे यांना २००८ मध्ये लाइफटाइम अचिव्हमेंट पुरस्काराने सन्मानित करण्यात आले. कलामिटी जेन, पिलो टॉक, क्यू सेरा सेरा हे डे यांचे गाजलेले चित्रपट आहेत. १९५०-६० च्या दशकात रॉक हडसन यांच्याशी डे यांची ऑनस्क्रीन जोडी हॉलिवूडमध्ये हिट झाली होती.