देशद्रोहाच्या आरोपाखाली कारागृहात असणाऱ्या बाबा राम रहीममुळे राखी सावंत अडचणीत आली आहे. राम रहिमची मुलगी हनीप्रीत हिच्या आईने 'आयटम गर्ल' राख सावंत विरोधात अब्रुनुकसानीचा दावा ठोकला आहे. हा दावा करत राखीकडून भरपाई म्हणून पाच लाख रुपयांची मागणीही केली आहे. 'एएनआय' या वृत्तसंस्थेने ट्विटरच्या माध्यमातून दिलेल्या माहितीनुसार मोमिन मलिक या वकिलांच्या मदतीने हनीप्रीतच्या आईने ही नोटीस पाठवली आहे. हनीप्रीतची आई, आशा यांनी पाठवलेली ही नोटीस पाहता आता राखीची यावर काय प्रतिक्रिया असणार याकडे अनेकांचे लक्ष लागून राहिले आहे. वाचा : पाकिस्तानी 'चाची'ची प्रेमकहाणी सोशल मीडियावर व्हायरल बलात्कार आणि लैंगिक शोषण प्रकरणात दोषी असणाऱ्या गुरमीत राम रहिमची मुलगी, हनीप्रीत हिच्याविषयी राखी सावंतने बरेच खुलासे केले होते. इतकेच नव्हे तर राम रहिमच्या आयुष्यावर आधारित चित्रपटामध्ये राखी हनीप्रीतची भूमिका साकारणार असल्याचे कळत होते. 'आज तक'ने प्रसिद्ध केलेल्या वृत्तानुसार हनीप्रीतला याची माहिती मिळताच तिने राखीशी संपर्क साधत तुझ्याकडून ही अपेक्षा नसल्याचे वक्तव्य केले होते.
