भारताचे पंतप्रधान नरेंद्र मोदी सध्या अमेरिका दौऱ्यावर आहेत. एक आठवड्याच्या या दौऱ्यात नरेंद्र मोदी वेगवेगळ्या कार्यक्रमांमध्ये सहभागी होणार आहेत. दरम्यान मोदींच्या अमेरिका दौऱ्याच्या निमित्ताने सोशल मीडियावर 'हाउडी मोदी' हा शब्द सध्या जोरदार ट्रेंड होत आहे. जगभरातून 'हाउडी मोदी' असे म्हणत मोदींवर शुभेच्छांचा वर्षाव केला आहे. यांत बॉलिवूड सेलिब्रिटीही मागे नाहीत. बॉलिवूडमधील जेष्ठ अभिनेते ऋषी कपूर यांनी देखील 'हाउडी मोदी' म्हणत नरेंद्र मोदींसाठी ट्विट केले आहे. "आपल्या अस्तित्वाचा, आपल्या समाजाचा आणि आपल्या देशाचा मला अभिमान आहे" अशा आशयाचे ट्विट करुन ऋषी कपूर यांनी मोदींची स्तुती केली आहे. दरम्यान मोदींनी देखील त्यांच्या शुभेच्छांचा स्वीकार करत ट्विटच्या माध्यमातून प्रतिक्रीया दिली आहे. "ऋषी कपूरजी तुमच्या उत्साहवर्धक प्रोत्साहनाबद्दल धन्यवाद. मी तुमच्या आरोग्यासाठी देवाकडे प्रार्थना करतो." असे ट्विट करुन मोदींनी प्रतिक्रीया दिली. याआधी अभिनेता सलमान खान व करण जौहर यांनीही ट्विट करुन नरेंद्र मोदींच्या अमेरिकी दौऱ्याचे कौतुक केले होते. #howdymodi “Go Modi” - “Go Trump” - Houston, US. Proud of our being. Proud of the community. Proud of India. — Rishi Kapoor (@chintskap) September 22, 2019 Rishi Ji, thanks for your enthusiastic encouragement. We just missed each other by a few days since you recently left for India from the USA. I pray for your good health. Looking forward to greater participation of yours on social media. @chintskap — Narendra Modi (@narendramodi) September 23, 2019 आणखी वाचा : बिग बींचं मराठी ट्विट; ‘या’ एका कारणामुळे अनेकांची स्वप्न राहतात अपूर्ण आपल्या बिनधास्त प्रतिक्रीयांसाठी ओळखले जाणारे ऋषी कपूर नुकतेच न्यूयॉर्कहून भारतात परतले आहेत. गेले ११ महिने न्यूयॉर्कमध्ये त्यांच्यावर कर्करोगाचा उपचार सुरू होता. दरम्यान सोशल मीडियाच्या माध्यमातून ते चाहत्यांशी संपर्कात होते.