करोना व्हायरसमुळे संपूर्ण देशात लॉकडाउनची घोषणा करण्यात आली होती. त्यावेळी सर्वचजण आपल्या कुटुंबीयांसोबत वेळ घालवताना दिसत होते. अभिनेता हृतिक रोशन देखील मुलांसोबत वेळ घालवत असल्याचे पाहायला मिळाले होते. त्याने सोशल मीडियावर जुहू येथील घरातील मुलांसोबत वेळ घालवतानाचे फोटो शेअर केले होते. आता हृतिकने मुंबईमध्ये नवे घर घेतले असल्याचे समोर आले आहे. मुंबई मिररने दिलेल्या वृत्तानुसार हृतिक रोशनने मुंबईमध्ये दोन फ्लॅट खरेदी केले आहेत. हे प्लॅट १४, १५ आणि १६व्या मजल्यावर असून ३८ हजार स्क्वेअर फूट असल्याचे म्हटले जाते. या दोन फ्लॅटमधील एक फ्लॅट दोन मजल्यांचा असून एक पेंटहाऊस असल्याचे म्हटले जाते. हा फ्लॅट जुहू आणि वर्सोवा येथील लिंक रोडजवळ आहे. तसेच हृतिकच्या या नव्या फ्लॅटमधून समुद्र किनारा देखील दिसतो. View this post on Instagram Super stoked to present to you my next onscreen venture. Catch me in action on the Battle Royale game as an in-game character! Thank you @indiaofficialfreefire for this unique opportunity. Download & join me as Jai to #BeTheHero. A post shared by Hrithik Roshan (@hrithikroshan) on Oct 18, 2020 at 3:03am PDT हृतिकच्या या फ्लॅटला पार्किंगसाठी मोठी जागा देण्यात आली आहे. जवळपास १० स्लॉट पार्किंगसाठी देण्यात आले आहेत. या बिल्डिंगचे नाव मन्नत असे आहे. तसेच हृतिकने हा प्लॅट ९७.५० कोटी रुपयांना खरेदी केला आहे. हृतिकने फ्लॅटसाठी ६७.५० कोटी रुपये दिले असल्याचे मुंबई मिररने दिलेल्या वृत्तामध्ये म्हटले आहे. तसेच उरलेली रक्कम हृतिक लवकरच भरणार असल्याचे म्हटले जात आहे.