15 July 2020

News Flash

“त्या कठीण काळातून मी बाहेर येईन असं वाटलं नव्हतं”; परिणीतीने सांगितला नैराश्याचा अनुभव

"२०१४चा शेवट आणि संपूर्ण २०१५ हे वर्ष माझ्यासाठी खूप वाईट होतं."

परिणीती चोप्रा

प्रत्येकाच्या आयुष्यात चढ-उतार येतच असतात. कठीण काळात संयमाने वागून सकारात्मक दृष्टीकोन ठेवल्याचा फायदा अशा वेळी निश्चितच होतो. या समस्यांना सेलिब्रिटीसुद्धा अपवाद ठरत नाहीत. अभिनेत्री परिणीती चोप्रासुद्धा नैराश्याला सामोरी गेली आहे. याआधीही तिने याविषयी खुलेपणाने बोलून दाखवलं. मात्र केवळ त्या परिस्थितीमुळे नकारात्मक होऊन न बसता परिणीतीने इतरांनाही प्रेरणा दिली आहे. ‘बॉम्बे टाइम्स’ला दिलेल्या मुलाखतीत ती याविषयी व्यक्त झाली.

“आयुष्यातील कठीण काळ हा खूप काही शिकवून जातो. तो काळ निघून गेल्यानंतर तुम्ही आणखी कणखर बनता. २०१४चा शेवट आणि संपूर्ण २०१५ हे वर्ष माझ्यासाठी खूप वाईट होतं. व्यावसायिक आणि वैयक्तिक पातळीवर जे काही माझ्यासोबत घडत होतं, ते पाहून मला वाटलं नव्हतं की मी यातून पुन्हा बरी होऊन वर येईन. त्यावेळी मी करिअरमध्येही ब्रेक घेतला होता. यशापेक्षा अपयश तुम्हाला खूप काही शिकवून जातो. ही गोष्ट मी तेव्हा अनुभवत होते. सकारात्मक असं काहीच माझ्याकडे राहीलं नव्हतं. पण सुदैवाने मी त्यातून बाहेर आले आणि आता पूर्वीपेक्षा मी खूप जास्त सकारात्मक असते. कदाचित हे चढ-उतार माझ्या आयुष्यात आले नसते, तर ते खूप कंटाळवाणं झालं असतं”, असं ती म्हणाली.

परिणीतीने दीड वर्ष नैराश्याशी झुंज दिली. ‘दावत-ए-इश्क’ आणि ‘किल दिल’ हे तिचे दोन्ही चित्रपट फ्लॉप ठरले होते. आयुष्यात पहिल्यांदाच ती पराभवाला सामोरी गेली होती. त्याचवेळी हातातून पैसासुद्धा गेला. जे काही पैसे होते त्यातून तिने नवीन घर घेतलं होतं आणि काही गुंतवणूक केली होती. त्याचवेळी तिचं ब्रेकअप झालं होतं. या सर्व गोष्टींचा परिणाम परिणीतीच्या मानसिक स्वास्थावर झाला. नैराश्याच्या या काळानंतर २०१६ पासून नवी सुरूवात केल्याचं परिणीतीने सांगितलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 1, 2020 3:16 pm

Web Title: i actually thought that i would not survive it says parineeti chopra ssv 92
Next Stories
1 भाईजान आता नाट्यकर्मींच्या मदतीला, पडद्यामागील कर्मचाऱ्यांना केली मदत
2 वाजिद खान यांचा रुग्णालयातील ‘तो’ व्हिडीओ शेवटचा ठरला
3 “बस दुआओं में याद रखना”; वाजिद खान यांचा शेवटचा फोन कॉल व्हायरल
Just Now!
X