07 August 2020

News Flash

“बॉलिवूडमध्ये बाहेरुन येणाऱ्यांची एवढी चिंता आहे तर…”; स्वराचा सल्ला

तिने एका मुलाखतीमध्ये हे म्हटले आहे.

बॉलिवूड अभिनेता सुशांत सिंह राजपूतच्या आत्महत्येने सर्वांनाच धक्का बसला. त्याने वयाच्या ३४व्या वर्षी जगाचा निरोप घेतला. सुशांतने घराणेशाहीला कंटाळून इतके टोकाचे पाऊल उचलले असल्याचे म्हटले जात आहे. त्यामुळे त्याच्या निधनानंतर घराणेशाही हा वाद पेटून उठला. काही कलाकारांनी घराणेशाहीमुळे त्यांना आलेले अनुभव सांगितले तर काहींनी बॉलिवूड सोडण्यामागचे कारण सांगितले. यावर बॉलिवूड अभिनेत्री स्वरा भास्करने तिचे मत मांडत सल्ला दिला आहे.

स्वराने नुकतीच न्यूज लाँड्रीला मुलाखत दिली. या मुलाखतीमध्ये तिने ज्यांना बॉलिवूडमध्ये बाहेरुन आलेल्यांची एवढी चिंता वाटते त्यांनी चित्रपटगृहांमध्ये जाऊन आमचे चित्रपट पाहायला हवेत असा सल्ला प्रेक्षकांना दिला आहे. तसेच तिने राजकुमार रावचा ‘ट्रॅप’, इरफान खान यांचा ‘कारवान’, नवाजुद्दीन सिद्दीकीचा ‘मोतीचूर का लाडू’ अशा अनेक चित्रपटांची बॉक्स ऑफिसवरील कमाई पाहा आणि स्टारकिड्सचे चित्रपट धडक, स्टूडंट ऑफ द इयर १-२, हिरोपंती यांची कमाई पाहण्यास सांगितले आहे. कोण स्टारकिड्सचे चित्रपट पाहण्यास जास्त उत्सुक असतं असे तिने म्हटले आहे.

तसेच तिने प्रेक्षकांनी कोणाचा चित्रपट पाहायचा याचा एकदा विचार करायला हवा असेही म्हटले आहे.

सुशांतच्या आत्महत्येनंतर सोशल मीडियावर स्टारकिड्सला प्रचंड ट्रोल करण्यात आले होते. अनेकांनी ट्रोलिंगला कंटाळून त्यांचे कमेंट बॉक्स बंद केले तर काहींनी सोशल मीडियाला रामराम ठोकला.

स्वरा सोशल मीडियावर प्रचंड सक्रिय असते. ती बिनधास्तपणे सोशल मीडियाद्वारे सामाजिक विषयांवर तिचे मत मांडताना दिसते. अनेकदा तिला ट्रोलिंगचा सामना देखील करावा लागतो. पण स्वरा ट्रोलर्सला देखील सडेतोड उत्तर देताना दिसते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 16, 2020 5:38 pm

Web Title: if you have so much concern for outsiders watch our films in theatres says swara bhaskar avb 95
Next Stories
1 Video : कुणाल खेमूच्या आगामी ‘लुटकेस’चा ट्रेलर प्रदर्शित
2 ‘या’ कारणासाठी सुशांतच्या बहिणीची पुन्हा एकदा होणार पोलीस चौकशी
3 सुशांत सिंहची गर्लफ्रेंड रिया चक्रवर्तीने मागितली अमित शाह यांची मदत, म्हणाली…
Just Now!
X