सोहा अली खान आणि कुणाल खेमूची मुलगी इनाया नौमी तिचा भाऊ तैमुर अली खानइतकीच प्रसिद्ध आहे. भाऊबीजेच्या दिवशी कुणालने इनायाचा एक व्हिडीओ इन्स्टाग्राम अकाऊंटवर पोस्ट केला. या व्हिडीओत ती गायत्री मंत्र म्हणताना दिसतेय. इनायाचा हा क्यूट व्हिडीओ नेटकऱ्यांच्या पसंतीस पडला असून तिच्यावर कौतुकाचा वर्षाव होत आहे. कुणालची बहीण औक्षण करताना आधी गायत्री मंत्र म्हणते आणि नंतर इनायाला म्हणायला सांगते. चिमुकली इनाया न चुकता न अडखळता गायत्री मंत्र म्हणते. कुणालने पोस्ट केलेल्या या व्हिडीओला तीन दिवसांत सात लाखांहून अधिक लाइक्स मिळाले आहेत. नेटकऱ्यांसोबतच सेलिब्रिटींनीही इनायाची प्रशंसा केली आहे. परिणीती चोप्रा, विकी कौशल, रणविजयसिंग, नेहा धुपिया, हर्षवर्धन राणे, सुमीत व्यास यांसारख्या कलाकारांनी व्हिडीओवर कमेंट करत इनायाचं कौतुक केलं आहे. सोशल मीडियावर तैमुरचे फोटो व व्हिडीओ सतत व्हायरल होत असतात. पण यावेळी इनायाच्या व्हिडीओने नेटकऱ्यांचं मन जिंकलं आहे. पाहा फोटो : लग्नसोहळ्यासाठी जिजामातेला पारंपरिक दागिन्यांचा साज कुणालच्या चित्रपटांबद्दल बोलायचे झाल्यास, तो नुकताच 'लुटकेस' या चित्रपटात झळकला होता. या कॉमेडी ड्रामामध्ये कुणालसोबतच गजराज राव, रसिका दुग्गल, रणवीर शौरी आणि विजय राज यांच्या भूमिका होत्या.
