छोट्या पडद्यावरील अतिशय लोकप्रिय शो म्हणून 'इंडियन आयडल'कडे पाहिले जाते. सध्या इंडियन आयडलचे १२ वे पर्व सुरु आहे. नुकताच शोमध्ये किशोर कुमार यांना श्रद्धांजली वाहण्यात आली. याच एपिसोडमध्ये किशोर कुमार यांचा मुलगा अमित कुमार यांना पाहुणे म्हणून बोलवण्यात आले होते. दरम्यान एका मुलाखतीमध्ये अमित यांनी शोमध्ये सर्वच स्पर्धकांची प्रशंसा करण्यासाठी सांगण्यात असल्याचा धक्कादायक खुलासा केला आहे. इंडियन आयडल १२मधील परिक्षक आणि स्पर्धकांनी मिळून १०० गाणी गायिली आणि किशोर कुमार यांना श्रद्धांजली वाहिली. पण परिक्षक नेहा कक्कर आणि हिमेश रेशमिया यांनी गाणे गायल्यामुळे त्यांना सोशल मीडियावर ट्रोल केले जात आहे. दरम्यान अमित यांनी एका मुलाखतीमध्ये शोबाबत धक्कादायक खुलासे केले आहेत. Humara weekend ban gaya yaadgaar #IdolPawandeep ke saath! Dekhte rahiye #IndianIdol2020 Sat-Sun raat 9:30 baje sirf Sony par.@iAmNehaKakkar @VishalDadlani #HimeshReshammiya #AdityaNarayan @fremantle_india @The_AnuMalik @GangulyAmitK @RajanPawandeep pic.twitter.com/peQ26DdMie — sonytv (@SonyTV) May 10, 2021 टाइम्स ऑफ इंडियाला दिलेल्या मुलाखतीमध्ये अमित कुमार यांनी सांगितले की, 'मला माहिती आहे की लोकं त्या एपिसोड विषयी वाईट बोलत आहेत. शोमध्ये स्पर्धकाने कसेही गाणे गायिले तरी मला त्यांची प्रशंसा करण्यासाठी सांगण्यात आले होते. तसेच त्यासाठी ते मला चांगले मानधन देणार होते.' पुढे ते म्हणाले, 'त्यांनी मला जे सांगितलं ते मी केलं. स्पर्धकांनी कसे ही गाणे गायले तरी त्यांची प्रशंसा करायची. कारण ते किशोर कुमार यांना श्रद्धांजली वाहत होते. मी फक्त त्यांनी जे सांगितलं ते केलं. मी तर त्यांच्याकडे स्क्रीप्टदेखील मागितली होती. पण त्यांनी ती दिली नाही.'