सध्या छोट्या पडद्यावरील अतिशय लोकप्रिय शो 'इंडियन आयडल १२' प्रेक्षकांच्या भेटीला आला आहे. शो मध्ये परिक्षक म्हणून नेहा कक्कर, विशाल दादलानी आणि हिमेश रेशमिया हे दिसत आहेत. या तिन्ही परिक्षकांची सेटवर मजामस्ती सुरुच असते आणि त्याचे काही व्हिडीओ कायमच चर्चेत असतात. पण शो आता एका वेगळ्या कारणासाठी चर्चेत आहे. एका स्पर्धकाने शोमध्ये त्याच्या आर्थिक परिस्थितीशी संबंधीत खोटे बोलले असल्याचे नेटकऱ्यांचे म्हणणे आहे. 'इंडियन आयडल १२'मध्ये सहभागी झालेला राजस्थानमधील सवाई भट्ट हा स्पर्धक म्हणून सहभागी झाला होता. पण ऑडिशन दरम्यान त्याने बाहुल्यांचा खेळ दाखवून त्यातून मिळणाऱ्या पैशांनी घर चालवत आहे आणि राहत असलेले घर देखील छोटे आहे असे त्याने म्हटले होते. पण आता सोशल मीडियावर यावर अनेक प्रश्न विचारले जात आहेत. @indian_idol12 the most talked contestants of S12 Sawai Bhat. These pictures are taken during S12 or before? Is the image on screen real or fake or playing with the emotion of public? Raising eyebrow !! pic.twitter.com/6Wii9OZZwM — Debajyoti Bagchi (@N408123) January 6, 2021 सध्या नेटकऱ्यांनी शेअर केलेल्या फोटोंमध्ये सवाई स्टेजवर परफॉर्म करताना दिसत आहे. त्याचे हे फोटो सध्या सोशल मीडियावर तुफान व्हायरल झाले आहेत. एका यूजरने हे फोटो शेअर करत सवाईने इंडियन आयडलमध्ये सांगितलेल्या गोष्टी खोट्या आहेत असे म्हटले आहे. हे फोटोपाहून अनेकांनी शोच्या मेकर्सला देखील प्रश्न विचारले आहेत. पण याबाबत अद्याप कोणतीही अधिकृत माहिती समोर आलेली नाही.