28 October 2020

News Flash

कोण आहे इंदिरा तिवारी? ‘सिरीयस मॅन’मध्ये साकारलीये महत्त्वपूर्ण भूमिका

जाणून घ्या, 'सिरीअल मॅन'मधील नवाजुद्दीनच्या पत्नीविषयी

अभिनेता नवाजुद्दीन सिद्दीकी याची मुख्य भूमिका असलेला ‘सिरीयस मॅन’ हा चित्रपट अलिकडेच प्रेक्षकांच्या भेटीला आला. नेटफ्लिक्स ओरिजनल असलेल्या या चित्रपटामध्ये नवाजसोबतच अभिनेत्री इंदिरा तिवारी हिच्या नावाचीदेखील सोशल मीडियावर चर्चा रंगली आहे. इंदिराने या चित्रपटामध्ये नवाजच्या पत्नीची भूमिका साकारली आहे. विशेष म्हणजे तिच्या अभिनयाची अनेकांना भूरळ पडली असून ही अभिनेत्री नेमकी कोण आहे असा प्रश्न चाहत्यांना पडला आहे.

इंदिरा तिवारी मूळ भोपाळची असून तिने एनएसडीमधून शिक्षण पूर्ण केलं आहे. अभिनयासोबतच इंदिराला नृत्य आणि गायनाची देखील आवड आहे. तिने कथ्थक, भरतनाट्यम, इंडियन बॅलेट यासारख्या नृत्य प्रकारांचं शिक्षण घेतलं आहे. सोबतच तिने शास्त्रीय गायनाचे धडेदेखील गिरवले आहेत.

सुरुवातीच्या काळामध्ये इंदिरा भोपाळमध्येच होणाऱ्या लहान-लहान नाटकांमध्ये सहभाग घ्यायची. त्यानंतर तिने एनएसडीमध्ये प्रवेश घेतला. येथून तिच्या करिअरचा प्रवास सुरु झाला. सिरीयस मॅनपूर्वी ती आरक्षण, सत्याग्रह या चित्रपटांमध्ये कॅमियो रोलमध्ये झळकली आहे. तसंच २०१९ मध्ये नजरबंद या चित्रपटातही ती झळकली होती. विशेष म्हणजे रंगद्वेषावर आधारित अनफेअर या लघुपटामुळे ती खऱ्या अर्थाने चर्चेत आली.
इंदिरा एनएसडीमध्ये शिकत असताना तिची आणि नवाजुद्दीनची दोन वेळा भेट झाली.मात्र, त्यावेळी याच नवाजसोबत मुख्य भूमिकेत झळकायला मिळेल असं स्वप्नातही वाटलं नव्हतं, असं तिने एका मुलाखतीत सांगितलं.

दरम्यान, सिरीयस मॅन या चित्रपटाचं दिग्दर्शक सुधीर मिश्रा यांनी केलं असून नवाजुद्दीन सिद्धीकीने या चित्रपटात एका तामिळ दलित व्यक्तीची भूमिका साकारली आहे. त्याच्या भूमिकेचं नाव अय्यन असं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 14, 2020 10:30 am

Web Title: indira tiwari is getting popular after playing the role of nawazuddin siddiqui in film serious men ssj 93
Next Stories
1 Video : तापसीने पहिल्यांदाच पोस्ट केला बॉयफ्रेंडसोबतचा व्हिडीओ
2 आयपीएलसाठी तैमूर सज्ज! करीनाने फोटो शेअर करत विचारला प्रश्न
3 बिग बींसाठी प्रसिद्ध गायकानं १७ तास उपाशी राहून गायलं होतं गाणं
Just Now!
X