बॉलिवूडचा भाईजान सलमान खान आपला ‘दबंग ३’ हा आगामी चित्रपट घेऊन लवकरच चाहत्यांच्या भेटीला येत आहे. परंतु हा चित्रपट प्रदर्शनापूर्वीच वादाच्या भोवऱ्यात अडकला आहे. कारण या चित्रपटातील ‘हुड हुड दबंग’ या गाण्यातील दृश्यांवर काही मंडळींनी आक्षेप घेतला आहे. या गाण्यातून हिंदू देवतांचा अपमान करण्यात आल्याचा आरोप आहे. ‘हुड हुड दबंग’ या गाण्यात हिंदू साधू तसेच भगवान शिव, प्रभू श्रीराम आणि श्रीकृष्ण या हिंदू देवतांचा पोषाख परिधान करुन काही मंडळी सलमानसोबत नृत्य सादर करताना दिसत आहेत. या दृश्यांवर हिंदू जनजागृती समितीने आक्षेप नोंदवला होता. गाणं रिलीज झाल्यानंतर आता नेटकऱ्यांनी देखील सोशल मीडियाद्वारे आपली नाराजी व्यक्त केली आहे. सोशल मीडियावर 'दबंग ३' चित्रपटाविरोधात '#BoycottDabangg3' हा हॅशटॅग व्हायरल होत आहे. यावेळी काही जणांनी सलमानला पाठिंबा देखील दिला आहे. या मंडळींनी '#BoycottDabangg3' विरोधात '#AwaitingDabangg3' हा हॅशटॅग व्हायरल केला आहे. परिणामी दबंग ३ मुळे नेटकरी दोन भागांत विभागले गेल्याचे दिसत आहे. काय म्हणाले नेटकरी? #BoycottDabangg3 make these types film on Maulavi and maulana.stop insulting the Sadhu pic.twitter.com/l1rh6Ol6U0 — Shravan vishwakarma (@Advait94015816) November 29, 2019 #BoycottDabangg3 Recent song from salmal Khan movie was insulting sages and hindu devotes. pic.twitter.com/QC1wxdWA6Z — Nayana Acharya (@NayanaAcharya4) November 29, 2019 #BoycottDabangg3 Bollywood continues to hurt Hindu sentiments again pic.twitter.com/536fANPVHb — Monica Singh (@ms_hjs) November 29, 2019 #BoycottDabangg3 If you need our dharma to get famous.then why u r not following it.rather than insulting for your business adopt it and get famouse for many births .its it so much powerfull..stop insulting and start adopting.dont check our tollarance..everytime. pic.twitter.com/GYLY6Yy4Sz — Supriya Patil (@supriyapatil061) November 29, 2019 They trended BoycottBajrangiBhaijaan, it crossed 300cr. They trended BoycottTigerZindaHai, it became his highest Grosser. They even trended BoycottSalmanKhan, well, he is the biggest star the nation has ever seen.#AwaitingDabangg3 — Deνιℓ (@ibeingdevil) November 29, 2019 once said by #beinghuman@BeingSalmanKhan#AwaitingDabangg3 pic.twitter.com/147wHsSrr5 — Chulbul RADHE Rules ™ (@TigerSK27) November 29, 2019 Picture speaks thousand words. He always respects every religion.#AwaitingDabangg3 pic.twitter.com/ECBROEOKv5 — dєví ѕιngн (@being_ayush_) November 29, 2019 Those who have never watched a single movie in the theatre are also trending to boycott dabangg3. #AwaitingDabangg3 — R A T N I $ H (@LoyalSachinFan) November 29, 2019 ‘दबंग ३’ हा दबंग मालिकेतला अनुक्रमे तीसरा चित्रपट आहे. याआधी प्रदर्शित झालेल्या दोनही चित्रपटांनी बॉक्सऑफीसवर कोट्यवधी रुपयांची कमाई केली होती. तसेच या चित्रपटांमध्ये सोनाक्षी सिन्हा हीने मुख्य अभिनेत्रीची भूमिका साकारली होती. ‘दबंग ३’ मध्ये सोनाक्षीच मुख्य अभिनेत्रीच्या भूमिकेत दिसणार आहे. या शिवाय मराठी सुपरस्टार महेश मांजरेकर यांची मुलगी सई मांजरेकर ही देखील या चित्रपटामध्ये अभिनय करताना दिसेल. ‘दबंग’ चित्रपट मालिकेत सलमानने चुलबुल पांडे ही व्यक्तिरेखा साकारली आहे. हा चित्रपट फ्लॅशबॅक फॉरमॅटमध्ये तयार केला गेला आहे. यांत पोलिस अधिकारी होण्याच्या आधी चुलबुल कसा होता? हे कथानक दाखवले जाणार आहे. सलमानचा चाहता वर्ग पाहता याआधी प्रदर्शित झालेल्या ‘ट्यूबलाईट’, ‘रेस -३’ व ‘भारत’ या तीनही चित्रपटांनी तिकीट बारीवर काही खास कमाल केली नव्हती. या पार्श्वभूमीवर ‘दबंग -३’ काय कमाल करतो हे नक्कीच पाहण्याजोगे ठरेल असे म्हटले जात आहे.