प्रेमात माणूस आंधळा होतो. तसेच प्रेमाला वयाचे बंधन नसते, असे म्हटले जाते. टीव्ही अभिनेत्री अविका कौर हिने यावर जरा जास्तच विचार केलेला दिसतोय. बालिका वधू या मालिकेतून छोट्या आनंदीच्या भूमिकेने प्रसिद्धीस आलेली अभिनेत्री अविका गोर तिच्या सहकाराला डेट करत असल्याचे वृत्त आहे. आपल्या ऑनस्क्रीन पतीला अविकाने ऑफस्क्रीनही स्वीकारल्याचे दिसतेय. 'ससुराल सिमर का' या मालिकेतील सहकलाकार मनीष रायसिंघानी याला अविका डेट करत असल्याचे कळते. शूटिंगनंतरही हे दोघे जास्तीत जास्त एकत्र वेळ घालवत असून अनेक ठिकाणी ते एकत्र दिसतात. या दोघांच्याही सोशल हॅण्डलवर नजर टाकल्यास यांच्यात मैत्रीपेक्षाही खूप काही असल्याचे दिसून येते. अविका आता १८ वर्षांची असून, मनीष हा ३६ वर्षांचा आहे. त्यामुळे प्रेमाला वयाचे बंधन नसते हे खरंच या दोघांनी मनावर घेतल्याचे दिसते. माज्ञ, या दोघांनीही अद्याप आपल्या प्रेमासंबंधी कोणतीही अधिकृत माहिती दिलेली नाही.
