वादविवाद आणि 'अनलिमिडेट ड्रामा'साठी 'बिग बॉस' हा रिअॅलिटी शो ओळखला जातो. यंदाचा सिझन गाजवण्यासाठी, पब्लिसिटीसाठी बरेच प्रयत्न निर्मात्यांकडून केले गेले. मग ते स्पर्धकांना दिलेले चित्रविचित्र टास्क असो किंवा मग खुद्द सलमानने बिग बॉसच्या घरात जाऊन केलेली धुणीभांडी असो.. सोशल मीडियावर बिग बॉसचा तेरावा सिझन चांगलाच चर्चेत आला आहे. या शोमधून नुकतीच हिमांशी खुराना बाहेर पडली. हिमांशीचा एक व्हिडीओ सध्या सोशल मीडियावर तुफान व्हायरल होत आहे. कारण या व्हिडीओत तिने सलमानविषयी धक्कादायक खुलासा केला आहे. या व्हिडीओत हिमांशी नखं कापताना दिसत आहे. बिग बॉसच्या घरात काम करुन नखांचे सौंदर्य गेल्याचं ती या व्हिडीओत म्हणते. तेवढ्यात तिची एक मैत्रीण तिला विचारते की सलमाननेसुद्धा बिग बॉसच्या घरात येऊन भांडी घासली. त्यावर हिमांशी म्हणते, त्याला त्या कामासाठी तब्बल ६०० कोटी रुपये देण्यात आले होते. Listen dear!!! I have found this on Instagram!!Real face of #HimanshiKhurana In the video: Hemanshi- haath khrab ho gaye bb me bartan dhote dhote Video maker-salman khan bhi to gaya tha vo kya natak kar raha tha Hemanshi-use to 6cr milte hai or sb to extension bhi ho gaya. pic.twitter.com/6tzpMWK7SY — Natasha roy (@Natasha60175846) January 5, 2020 हिमांशीने केलेल्या या वक्तव्यात किती तथ्य आहे हे तर सलमानच सांगू शकतो. पण 'बिग बॉस १३'ने सोशल मीडियावर चांगलीच प्रसिद्धी मिळवली आहे. आणखी वाचा : सारा-कार्तिकच्या अफेअरच्या चर्चांवर करीनाचं मजेशीर उत्तर शहनाज गिलला कॅप्टन्सी मिळाल्यानंतर घरातील इतर सदस्यांनी साफसफाई आणि घरातील काम करण्यास नकार दिला होता. याच गोष्टीचा सलमानला राग आला आणि त्याने चक्क ‘बिग बॉस’च्या घरी जाऊन भांडी घासली आणि टॉयलेटसुद्धा साफ केलं होतं.