अभिनेत्री जॅकलिन फर्नांडिस गेल्या काही दिवसांपासून बॉलिवूडचा भाईजान सलमान खानच्या फार्महाऊसवर वेळ घालवताना दिसत होती. तेथे ती तिचे छंद जोपासत होती. तसेच जॅकलिनने ती दररोज करत असलेल्या कामांवर आधारित एक शॉर्ट फिल्म देखील बनवली होती. पण आता जॅकलिन अचानक मुंबईला परतल्याचे समोर आहे. जॅकलिन अचानक पनवेलच्या फार्म हाऊसवरुन मुंबईला का परतली असा प्रश्न अनेकांना पडला आहे. पिंकव्हिलाने दिलेल्या वृत्तानुसार जॅकलिनची जवळची मैत्रीण लॉकडाउनमुळे मुबंईत एकटी राहत होती. त्या दोघीही खास मैत्रीणी आहेत आणि त्यांचे नेहमी बोलणे होत असत. जेव्हा जॅकलिनला तिची मैत्रीण मानसिक तणावात आहे हे कळाले तेव्हा ती तातडीने पनवेलहून मुंबईला रवाना झाली. तसेच जॅकलिन या कठिण काळात तिच्या मैत्रीणीसोबत राहणार आहे. जॅकलिनच्या निर्णयाने अनेकांनी तिचे कौतुक केले आहे. View this post on Instagram The time is now A post shared by Jacqueline Fernandez (@jacquelinef143) on May 24, 2020 at 3:50am PDT महाराष्ट्र सरकारने ३१ जुलैपर्यंत लॉकडाउन कायम ठेवला आहे. अशातच आपल्या मैत्रीणीच्या मदतीसाठी जॅकलिनने हा निर्णय घेतला आहे. जॅकलिनने सलमानच्या फार्म हाऊसवर दोन म्यूझिक अल्बमचेही शूट केले. ज्यामध्ये ती सलमानसोबत दिसत आहे.
