अभिनेत्री सुष्मिता सेनचा भाऊ राजीव सेन व त्याची पत्नी चारू सध्या सोशल मीडियावर चांगलेच चर्चेत आहेत. यामागचं कारण म्हणजे दोघांनी सोशल मीडियावर पोस्ट केलेले इंटिमेट फोटो. लॉकडाउनच्या काळात घरीच असलेल्या या जोडप्याने गेल्या आठवड्यात सोशल मीडियावर काही इंटिमेट फोटो पोस्ट केले होते. त्यानंतर नेटकऱ्यांनी त्यांच्यावर जोरदार टीका केली. या ट्रोलर्सना आता सुष्मिता सेनच्या वहिनीने उत्तर दिलं आहे. 'जगा आणि जगू द्या', असं म्हणत चारूने ट्रोलर्सकडे दुर्लक्ष केलं आहे. 'टाइम्स ऑफ इंडिया'ला दिलेल्या मुलाखतीत ती म्हणाली, "मला लोकांचं वागणंच समजत नाही. जगा आणि दुसऱ्यांना जगू द्या. सध्या लोकांमध्ये फार नकारात्मकता आहे. या ट्रोलिंगकडे मी दुर्लक्षच करू शकते. करोना व्हायरसमुळे लोकांमधील चिंता वाढली आहे आणि सेलिब्रिटींवर ते सहज निशाणा साधू शकतात. म्हणून ट्रोलिंगचं प्रमाण वाढलंय." तुम्ही पती-पत्नी असलात तरी बेडरुमधील फोटो शेअर करु नये असे म्हणत नेटकऱ्यांनी त्यांच्यावर निशाणा साधला होता. चारू हीसुद्धा अभिनेत्री आहे. 'मेरे अंगने मे' या मालिकेत तिने भूमिका साकारली होती.
