बॉलिवूड अभिनेता जॉन अब्राहम लवकरच 'सत्यमेव जयते 2' या आगामी चित्रपटात झळकणार आहे. काही दिवसापूर्वी या चित्रपटातील जॉनचा फर्स्ट लूक प्रदर्शित झाला असून त्याने सोशल मीडियावर हे पोस्टर शेअर केलं होतं. मात्र हे पोस्टर पाहिल्यानंतर अनेकांनी त्याला ट्रोल केलं आहे. या पोस्टरचं एडिटींग चांगलं नाही असं म्हणत अनेकांनी जॉनवर टीका केली आहे. 'सत्यमेव जयते' या चित्रपटाच्या यशानंतर जॉनचा 'सत्यमेव जयते 2' हा चित्रपटदेखील लवकरच प्रेक्षकांच्या भेटीला येणार आहे. त्यापूर्वी या चित्रपटाचं नवीन पोस्टर प्रदर्शित झालं. या पोस्टरवर 'जिस देश की मैया गंगा है, वहाँ खून भी तिरंगा है', असं लिहिण्यात आलं आहे. हे पोस्टर पाहिल्यानंतर नेटकऱ्यांनी टीकास्त्र डागलं आहे. 'पोस्टरचं एडिटींग योग्य केलं नाही', असं एकाने म्हटलं आहे. तर 'जॉनचा लूक चांगला आहे. मात्र, एडिटींग योग्य नाही', असं अन्य एका नेटकऱ्याने म्हटलं आहे. View this post on Instagram Jis desh ki maiyya Ganga hai, wahan khoon bhi Tiranga hai! #SatyamevaJayate2 in cinemas on 12th May, EID 2021. #SMJ2EID2021 @divyakhoslakumar @milapzaveri @onlyemmay @madhubhojwani @nikkhiladvani #BhushanKumar #KrishanKumar @tseriesfilms @tseries.official @emmayentertainment @dabbooratnani @houseofaweindia A post shared by John Abraham (@thejohnabraham) on Sep 20, 2020 at 7:31pm PDT दरम्यान, या चित्रपटाचं दिग्दर्शन मिलाफ झवेरी करत असून लखनौमध्ये या चित्रपटाचं चित्रीकरण करण्यात येत आहे. हा चित्रपट १२ मे २०२१ रोजी प्रेक्षकांच्या भेटीला येणार असल्याचं म्हटलं जात आहे.