काही लक्षवेधी जाहिरातपटाकडून अभिनय देवने “गेम “च्या दिग्दर्शनातून चित्रपट क्षेत्रात पुढचे पाऊल टाकले. पण “दिल्ली बेल्ली ” (२०११) या आजच्या युवा पिढीची भाषा मांडणाऱ्या चित्रपटाला चांगले यश मिळाले. त्यानंतर दिग्दर्शक म्हणून तो आता “फोर्स २ ” हा चित्रपट घेऊन आपल्यासमोर आला आहे. “फोर्स ” चे दिग्दर्शन निशिकांत कामतचे होते. पण फोर्स २ चा पहिल्या चित्रपटाशी नावाव्यतिरिक्त कसलाच संबंध नाही. या चित्रपटाची अगदीच थोडक्यात ओळख करून द्यायची तर संपूर्ण चित्रपटभर विदेश दर्शन व थरारक अ‍ॅक्शन दृश्ये आहेत. कधी कधी तर वाटते की हेच दाखवण्यासाठीच निर्माता विपुल अमृतराव शहा याने या चित्रपटाची खर्चिक निर्मिती केली असावी. शांघाय,  बुडापेस्ट येथे हा चित्रपट घडतो. ‘रॉ’ या भारतीय गुप्तचर यंत्रणेतील चौघांची चीनमध्ये हत्या करण्यात येते आणि चित्रपटाला सुरुवात होते. त्यासाठी मुंबईतील कर्तबगार पोलीस इन्स्पेक्टर यशवर्धन  (जॉन अब्राहम)  व रॉची हुशार अधिकारी केके  ( सोनाक्षी सिन्हा)  बुडापेस्टला जातात व या एकूणच प्रकरणाचा जोरदार तपास सुरु करतात. त्यात त्यांना त्या हत्या प्रकरणातील मूळ सूत्रधार शिव शर्मा  ( ताहिर राज भसीन)  सापडतो. आणि मग गाड्या,  हेलिकॉप्टर वगैरेचा थरारक पाठलाग व जोरदार मारधाड दृश्ये सुरु होतात.

शिव शर्मा नेमका कोण असतो, तो या हत्या का करतो, यात आणखीन कोणी सामिल आहेत का हे म्हणजेच चित्रपटाचा उत्तरार्ध होय. संपूर्ण चित्रपटात बुडापेस्टचे सुखद दर्शन घडते हे विशेष. तसेच प्रणयदृश्यांना जरादेखील वाव दिलेला नाही हेही विशेषच. संकलक अमिताभ शुक्ला व संजय शर्मा यांनी चित्रपटाची गती उत्तम ठेवलीय. मोहन कृष्णच्या छायाचित्रणाला दाद द्यायलाच हवी. जॉन अब्राहम अगदीच सहजी भूमिका साकारतो. सोनाक्षीनेही आपण अ‍ॅक्शन दृश्ये चांगलीच साकारू शकतो हे सिद्ध केलेय. ताहिर राज भसिन अतिशय थंडपणे वावरतो म्हणूनच त्याचा परिणाम जास्त पडतो. अभिनय देव कडून अधिक सकस व सरस चित्रपटाची अपेक्षा आहे.
श्रेणी ३ * – दिलीप ठाकूर

karishma-kapoor-harvard
“ही तर १२वी पास…”, हार्वर्डमध्ये लेक्चर द्यायला गेलेल्या करिश्मा कपूरला नेटकऱ्यांनी केलं ट्रोल
Elders Recreate Butterfly Song Dance cute video goes Viral
आयुष्य हे मनसोक्त जगावं! ‘बटरफ्लाय’ गाण्यावर वृद्ध लोकांचा भन्नाट डान्स, डान्स स्टेप्स एकदा पाहाच, VIDEO व्हायरल
Delhi metro catches fire incident video goes viral
दिल्लीतील मेट्रो स्टेशनवरील VIDEO व्हायरल; प्रवासी प्लॅटफॉर्मवर उभे असताना घडलं भयंकर…
chinese company spending huge amount on shameless sales training skills for employees
“तुम्ही जितके निर्लज्ज व्हाल तितका तुमचा पगार वाढेल”, ‘ही’ कंपनी कर्मचाऱ्यांना देत आहे निर्लज्ज होण्याचे प्रशिक्षण