News Flash

“त्या अपघातानंतर माझं करिअर उध्वस्त झालं”; ‘जोश’ फेम अभिनेत्याने सांगितला अंगावर काटा आणणारा अनुभव

गोव्यात जेट स्कीइंग करताना झाला होता अपघात

चंद्रचूड सिंग

नव्वदच्या दशकात ‘माचिस’ आणि ‘जोश’ यांसारख्या चित्रपटांत भूमिका साकारलेला अभिनेता चंद्रचूड सिंग नंतर इंडस्ट्रीतून गायबच झाला. २००० मध्ये त्याच्यासोबत घडलेल्या एका अपघातानंतर त्याचं करिअरच संपलं. ‘पिंकविला’ या वेबसाइटला नुकत्याच दिलेल्या एका मुलाखतीत त्याने त्या अपघाताच्या कटू आठवणी सांगितल्या.

गोव्यात जेट स्कीइंग करताना हाताचा ताबा सुटल्याने त्याला जबर मार लागला. स्पीड बोट प्रचंड वेगाने पुढे जात होती आणि चंद्रचूडचा उजवा हात खांद्यापासून पुढे खेचला गेला. “मी स्वत:ला नशिबवान समजतो की माझा हात धडापासून वेगळा झाला नाही. कारण मी जेव्हा खाली पडलो तेव्हा उजवा हात फक्त स्नायू आणि त्वचेच्या आधारे लटकत होता. आठ वर्षे घरी बसल्यानंतर नवीन काम मिळणं खूप अवघड होतं. जे मिळायचे त्यात काम करायची इच्छा राहिली नव्हती”, असं त्यांनी सांगितलं.

ते पुढे म्हणाले, “फिजिओथेरपीनंतरही अनेकदा शूटिंग करताना मध्येच खांदा दुखू लागायचा. त्यामुळे मी पुन्हा बरा होईपर्यंत शूटिंग रद्द करावे लागत होते. शस्त्रक्रिया आणि फिजिओथेरपी केल्यानंतरही दुखण्याचा त्रास पुन्हा उद्भवू लागला. या अपघातामुळे माझ्या करिअरवर खूप मोठा परिणाम झाला.”

चंद्रचूड आता अनेक वर्षांनंतर ‘आर्या’ या सीरिजमधून प्रेक्षकांच्या भेटीला येत आहे. राम माधवानी यांनी या सीरिजचं दिग्दर्शन केलं असून यात सुश्मिता सेनचीही भूमिका आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 13, 2020 6:08 pm

Web Title: josh fame actor chandrachur singh on injury that threw his career off track ssv 92
Next Stories
1 “एका काल्पनिक कथेवर इतका गोंधळ का?”; एकताच्या समर्थनार्थ हिना खान मैदानात
2 रामायणातील सीतेने लहानपणीचा फोटो केला पोस्ट; नेटकरी म्हणाले..
3 “कृपया सोशल डिस्टंसिंग रखे…”; बिग बॉसच्या १४ व्या सीझनची भन्नाट थीम
Just Now!
X