माहितीचा स्त्रोत म्हणून पाहिला जाणारा छोट्या पडद्यावरील अतिशय लोकप्रिय शो म्हणजे ‘कौन बनेगा करोडपती.’ बॉलिवूड अभिनेते अमिताभ बच्चन सूत्रसंचालन करत असलेल्या केबीसीचे १२ वे पर्व सध्या चर्चेत आहे. दरम्यान बॉलिवूड अभिनेत्री जुही चावलाने ट्विट करत ती शोमध्ये पोहोचली असल्याचे म्हटले आहे. सध्या तिचे हे ट्विट चर्चेत आहे.

नुकताच जुही चावलाने एक ट्विट करत केबीसीमधील फोटो शेअर केला आहे. या फोटोमध्ये अमिताभ बच्चन यांनी एक प्रश्न विचारलेला दिसत आहे. या पैकी कोणत्या अभिनेत्रीचे नाव एका फुलाचे देखील नाव आहे? त्याला पर्याय A. करिश्मा, B. जुही, C. करीना आणि D. जया असे देण्यात आले आहेत. या प्रश्नाचा स्क्रीन शॉट जुहीने शेअर केला आहे.

हा स्क्रीन शॉट शेअर करत तिने ‘पाहा. मी केबीसीच्या यंदाच्या सीझनमध्ये पोहोचली आहे. टेकनिकली हॉटसीटवर नाही पण किमान प्रश्नाच्या स्वरुपात तेथे पोहोचली आहे’ या आशयाचे ट्विट जुहीने केले आहे. हे ट्विट तिने अमिताभ बच्चन आणि सोनी टीव्हीला देखील टॅग केले आहे.