२०१४ मध्ये तरुणाईमध्ये प्रचंड गाजलेला कैसी ये यारिया हा टिव्ही शो पुन्हा एकदा प्रेक्षकांच्या भेटीला येत आहे. निती टेलर व पार्थ समाथान हे पुन्हा एकदा रोमान्स करताना दिसणार आहेत. काही दिवसांपूर्वी या दोघांनीही एका व्हिडिओद्वारे हा शो पुन्हा सुरू होणार असल्याची माहिती दिली आहे. 'एमटीव्ही'वर दाखवल्या जाणाऱ्या या शोचा तिसरा सीझन मात्र डिजिटल प्लॅटफॉर्मवर येणार आहे. या व्हिडिओत सीझन ३ चे शूटिंग सुरू झाले असल्याची माहिती त्यांनी दिली. २०१४ मध्ये आलेला हा शो तरूणांमध्ये चांगलाच गाजला होता. शहरातील एका नावाजलेल्या कॉलेजमध्ये ५ मित्र मिळून एक म्युझिकल बँड सुरू करतात. या मालिकेतील माणिक आणि नंदिनीची केमिस्ट्री चांगलीच चर्चेत होती. त्यानंतर त्यांच्यामध्ये होणारे मतभेद, प्रेमभंग व अनेक हलक्य फुलक्या गोष्टींनी रंगलेल्या या शोचा दुसरा सीझनही पहिल्याप्रमाणेच गाजला होता. बीबीसी वर्ल्डवाईड इंडियाची निर्मिती असलेला या शोचे शूटिंग सध्या सुरू असून लवकरच तो वूट या वायकॉम१८ च्या अपवर दाखवला जाणार आहे.