करोना विषाणूच्या वाढत्या संक्रमणामुळे सिनेमागृह आणखी काही काळ बंदच राहणार आहेत. परिणामी बॉलिवूडमधील काही मोठ्या चित्रपटांवर आता OTT प्लॅटफॉर्मवरच प्रदर्शित होण्याची वेळ आली आहे. दरम्यान हॉटस्टारने अजय देवगण, अक्षय कुमार, वरुण धवन, आलिया भट्ट, अभिषेक बच्चन अशा काही कलाकारांची वर्च्युल कॉन्फरंस घेऊन आगामी सात चित्रपटांची घोषणा केली. मात्र या कॉन्फरंसवर अभिनेता कमाल आर खानने घराणेशाहीचा आरोप केला आहे. तसंच हॉटस्टार बॉलिवूडमधील घराणेशाहीला पाठिंबा देत असल्याचेही त्याने म्हटले आहे. अवश्य पाहा - अखेरच्या काळात पंचमदांना काम का मिळालं नाही?; जावेद अख्तर म्हणाले… Can someone give me his ID and Password for #DisneyPlusHotstar to watch press conference of nepotism kids. I really don’t want to subscribe this App which is promoting nepotism kids like Alia and Varun. We public shouldn’t forget #SushantSingh and continue to boycott of nepotism. — KRK (@kamaalrkhan) June 29, 2020 अवश्य पाहा - “सलमानला खरंच कलाकार म्हणावं का?”; Wikipedia पेज पोस्ट करुन अभिनेत्याने उडवली खिल्ली "कोणीतरी मला डिस्ने प्लस हॉटस्टारचा आयडी आणि पासवर्ड द्या. मला घराणेशाहीवाल्यांची प्रेस कॉन्फरंस पाहायची आहे. घराणेशाहीला पाठिंबा देणाऱ्या हॉटस्टारला मी सबस्क्राईब करणार नाही. सुशांतला लक्षात ठेवून आपण घराणेशाहीचा बहिष्कार करायला हवा." अशा आशयाचं ट्विट कमाल खानने केलं आहे. कमाल खान आपल्या वादग्रस्त वक्तव्यांमुळे नेहमीच चर्चेत असतो. तो नेहमीच विविध क्षेत्रातील कलाकारांवर टीका करत असतो. यावेळी त्याने चक्क हॉटस्टारवर निशाणा साधला आहे. त्याचे हे ट्विट सध्या सोशल मीडियावर चर्चेत आहे. काही तासांत शेकडो नेटकऱ्यांनी यावर आपल्या प्रतिक्रिया दिल्या आहेत.
