बॉलिवूड अभिनेता आणि निर्माता म्हणून ओळखला जाणारा कमाल खान सध्या सोशल मीडियावर सतत सक्रिय असल्याचे पाहायला मिळते. सध्या सोशल मीडियावर कमाल खानच्या टिक-टॉक व्हिडीओच्या चर्चेचा रंगल्या आहेत. नेटकऱ्यांनी त्याला या व्हिडीओमुळे ट्रोल केले आहे.

कमाल खानने शेअर केलेल्या या व्हिडीओमध्ये तो गायक सोनू निगमचे गाणे गाताना दिसत आहे. हा व्हिडीओ शेअर करत त्याने “क्या मैं कूल लग रहा हूं. हां बिल्कुल” असे कॅप्शन दिले आहे. आता त्याच्या या व्हिडीओवर भन्नाट मीम्स व्हायरल झाले आहेत.

एका नेटकऱ्याने ही काय डोके दु:खी आहे असे म्हटले आहे. तर दुसऱ्या नेटकऱ्याने मूड खराब केला असे म्हणत ट्विट केले आहे.

कमाल खान त्याच्या बिनधास्त अंदाजामुळे विशेष ओळखला जातो. काही दिवसांपूर्वी त्याने बॉलिवूडचा दबंग खान सलमानवर निशाणा साधला होता. ‘दबंग ३’ हा चित्रपट सुपरफ्लॉप होणार असल्याची त्याने भविष्यवाणी केली होती. एकंदरतीत कमालची ही भविष्यवाणी खरी देखील ठरली. आता त्याच्या टिक-टॉक व्हिडीओच्या चर्चा रंगल्या आहेत.