बॉलिवूड अभिनेता कमाल आर. खान आपल्या वादग्रस्त वक्तव्यांमुळे नेहमीच चर्चेत असतो. तो अनेकदा बॉलिवूड कलाकारांवर टीका करतो. यावेळी त्याने सुशांत सिंह राजपूत मृत्यू प्रकरणाच्या पार्श्वभूमीचं निमित्त साधून अभिनेत्री तापसी पन्नूवर निशाणा साधला आहे. तापसीनं या प्रकरणात रिया चक्रवर्तीला पाठिंबा दिला. तिच्या या निर्णयावर कमाल खानने संताप व्यक्त केला आहे. जनता तुला माफ करणार नाही, अशा शब्दात त्याने तापसीबद्दल राग व्यक्त केला आहे. तापसी पन्नु ने कहा है कि #RheaChakroborty एक पवित्र लड़की है! जनता और मीडिया को कोई हक़ नहीं, उस लड़की को मुजरिम ठहराने का! #Taapsee आगे कहती हैं कि मुझे पूरा विश्वास है कि रिया को इंसाफ़ मिलेगा! So dear people, I hope that you will remember this forever! — KRK (@kamaalrkhan) August 31, 2020 "तापसी म्हणाली, रिया चक्रवर्ती एक पवित्र मुलगी आहे. जनता आणि माध्यमांना रियाला दोषी ठरवण्याचा काहीही अधिकार नाही. मला खात्री आहे रिया निर्दोष सुटेल. तिला न्याय मिळेल. तापसी पन्नू मला तुला केवळ एकच सांगांयचंय की जनता हे लक्षात ठेवेल. कोणीही तुला माफ करणार नाही." अशा आशयाचं ट्विट करुन कमाल खानने तापसीबद्दल राग व्यक्त केला आहे. I didn’t know Sushant on a personal level nor do I know Rhea but what I know is, it only takes to be a human to understand how wrong it is to overtake judiciary to convict someone who isn’t proven guilty. Trust the law of the land for your sanity and the deceased’s sanctity — taapsee pannu (@taapsee) August 30, 2020 तापसीनं अभिनेत्री लक्ष्मी मानचू हिच्या ट्विटला रिट्विट करत सुशांत प्रकरणावर प्रतिक्रिया दिली होती. "मी सुशांत किंवा रियाला वैयक्तीक पातळीवर ओळखत नव्हते. एखादा व्यक्तीला कायद्याने दोषी ठरवण्याच्या आधीच त्याला गुन्हेगार म्हणून घोषित करणे चुकीचं आहे. कृपया या देशातील न्यायव्यवस्थेवर विश्वास ठेवा." अशा आशयाचं ट्विट करुन तापसीनं रियाला पाठिंबा दिला होता. १४ जून रोजी सुशांत सिंह राजपूतचा मृत्यू झाला. त्यानंतर सुशांतचे वडिलांनी रिया चक्रवर्ती विरोधात पोलीस तक्रार केली. सीबीआयमार्फत सध्या या प्रकरणाची चौकशी सुरु आहे.