दिवसंदिवस वाढत्या करोना संक्रमणाला पाहता जनता मोदी सरकारवर टीका करत आहे. यामुळे ट्विटरवर अनेक हॅशटॅग ट्रेंड होताना दिसत आहेत. यावर बॉलिवूडची क्वीन कंगना रणौतने ट्वीट करत तिचं मत मांडल आहे. कंगनाने पंतप्रधान हे देशासाठी पित्यासमान असल्याचे म्हटले आहे. कंगनाचे हे मत अनेकांना पटलेलं नाही. कंगनाचं हे ट्विट सोशल मीडियावर प्रचंड व्हायरल झालं आहे. "पंतप्रधान म्हणजेच देश आहे. ते आपल्यापेक्षा वेगळे आहेत असा विचार चुकीचा आहे. असं असेल तर मग लोकशाहीचं ढोंग का करावं?. मतदान करत एक प्रतिनिधी निवडण्यासाठी एवढा मोठ्या प्रमाणात आर्थिक खर्च का करावा? पंतप्रधान हे देशासाठी पित्यासमान आहेत. त्यांच्यावर शंका आणि किंवा त्यांचा पराभव किंवा पराभवाची इच्छा करणे म्हणजे मूर्खपणाच आहे," अशा आशयाचे ट्वीट कंगनाने केले आहे. प्रधानमंत्री ही देश हैं,यह विचार रखना की वो हमसे अलग हैं तो फिर लोकतंत्र का ढोंग ही क्यूँ करना, मत देकर एक प्रतिनिधि चुनने का इतना भारी आर्थिक लागत का काम ही क्यूँ करना,प्रधानमंत्री देश केलिये पिता समान हैं,उनकी नियत पे संदेह या उनके परास्त/ हार जाने की कामना करना बेवक़ूफ़ी है । — Kangana Ranaut (@KanganaTeam) April 24, 2021 तर सुर्य प्रकाश सिंग यांना कंगनाचे मत पटलेले नाही. ते कंगनाचं ट्वीट रिट्वीट करत म्हणाले, "पंतप्रधानच देश आहे ? कंगना जी, तुमच्यासाठी जो कोणी ट्वीट लिहित आहे, त्याने 'नागरिकशास्त्र'चे पुस्तक आठवीपर्यंतही वाचलेले नाही. लोकशाही हा शासनाचा एक प्रकार आहे, ज्यात संपूर्ण शक्ती ही जनतेच्या हातात असते, जनता अंतिम निर्णय घेते. कृपया अजून अभ्यास करा." प्रधानमंत्री ही देश है?? कंगना जी, जो कोई भी आपके लिए ट्वीट लिख रहा है उसने 8वीं कक्षा तक भी ‘नागरिकशास्त्र’ की किताब नहीं पढ़ी है। लोकतंत्र शासन का वह प्रकार है, जिसमें प्रभुत्व शक्ति समष्टि रूप में जनता के हाथ में रहती है, जनता अन्तिम नियंत्रण रखती है। कृपया और पढ़ाई करें। — Surya Pratap Singh IAS Rtd. (@suryapsingh_IAS) April 24, 2021 कंगना गेल्या अनेक दिवसांपासून करोना आणि राजकीय विषयावर तिचं मत मांडताना दिसत आहे. या आधी कंगनाने पाकिस्तानची स्तुती करणारे ट्वीट केले होते. दरम्यान, कंगना लवकरच 'तेजस' आणि 'धाकड' या चित्रपटांमध्ये दिसणार आहे. तर, कंगनाचा 'थलायवी' हा चित्रपट काही दिवसांपूर्वीच प्रदर्शित झाला होता. मात्र, करोनाच्या वाढत्या संक्रमणाला पाहता चित्रपटाच्या प्रदर्शणाची तारीख पुढे ढकलण्यात आली आहे. या चित्रपट कंगना तामिळनाडूच्या दिवंगत माजी मुख्यमंत्री जयललिता यांच्या भूमिकेत दिसणार आहे.