अभिनेत्री कंगना करणौत डिजिटल विश्वात पदार्पण करण्यासाठी सज्ज झालीय. निर्माती म्हणून कंगना डिजिटल विश्वात एण्ट्री करतेय. कंगना तिच्या 'मणिकर्णिका फिल्मस् ' या प्रोडक्शन हाउसची निर्मिती असलेला 'टिकू वेडस् शेरू' या सिनेमाच्या माध्यमातून ओटीटी प्लॅटफॉर्मवर पदार्पण करतेय. या सिनेमाच्या घोषणेसोबतच कंगनाने तिच्या प्रोडक्शन हाउसचा लोगो देखील सोशल मीडियावर शेअर केला आहे. कंगनाने एक ट्विट करत लोगो लॉन्च केल्याची माहिती दिली. 'मणिकर्णिका फिल्म्स' चा लोगो लॉन्च करण्यात आलाय. यासोबतच 'टिकू वेडस् शेरू' ही या लव्ह स्टोरीतून आम्ही डिजिटल विश्वात पदार्पण करत आहोत. तुम्हा सर्वांच्या आशिर्वादाची गरज आहे. " असं कंगना तिच्या ट्विटमध्ये म्हणाली आहे. Launching the logo of @ManikarnikaFP with the announcement of our debut in digital space with a quirky love story Tiku weds Sheru .. Need your blessings pic.twitter.com/ulaMK62m7l — Kangana Ranaut (@KanganaTeam) May 1, 2021 येत्या काळात कंगना अनेक प्रोजेक्टवर काम करत आहे. धाकड, तेजस आणि ‘मणिकर्णिका रिटर्न्स : दि लिजेंड ऑफ दिद्दा’ या सिनेमांवर ती सध्या काम करतेय. त्याचसोबत गेल्या काही दिवसांपासून कंगना सोशल मीडियावर चांगलीच सक्रिय आहे. सोशल मीडियावर देशातील घडामोडींवर ती परखडपणे मत मांडताना दिसतेय. यामुळे तिला अनेकदा ट्रोलही व्हावं लागतं. तर आता कंगनाने अमेरिकेसह इतर देशांवर तोफ डागण्यास सुरुवात केलीय. भारत कठीण परिस्थितीचा सामना करत असताना इतर देश एकत्र येऊन भारताला कमीपणा दाखवण्याचा प्रयत्न करत आहेत आणि भारताची प्रतिमा मलीन करण्याचा प्रय्तन सुरू असल्याचा आरोप तिने केला आहे.