बॉलिवूड अभिनेत्री कंगना रणौत आपल्या वादग्रस्त वक्तव्यांमुळे नेहमीच चर्चेत असते. सोशल मीडियाच्या माध्यमातून कंगना आपलं मत व्यक्त करत असते. सोशल मीडियावरील पोस्टमुळे अनेकदा ती वादातही अडकली आहे. दरम्यान कंगनाने आता एक नवं वक्तव्य केलं असून त्यात अॅक्शन स्टंट करण्यात कंगनाने स्वत:ला हॉलिवूड सुपरस्टार टॉम क्रुजपेक्षा चांगली असल्याचे म्हटले आहे. कंगनाने एक ट्विट रिट्विट केले आहे. या ट्विटमध्ये असे म्हटले आहे की, मनिकर्णिका चित्रपटाचे अॅक्शन दिग्दर्शक निक पॉवेल म्हणाले की मनिकर्णिका या चित्रपटात कंगनाने टॉम क्रुज पेक्षा चांगले स्टंट केले आहेत. हे ट्विट रिट्विट करत कंगना म्हणाली, "सुप्रसिद्ध अॅक्शन दिग्दर्शक ज्यांनी हॉलिवूडच्या अनेक चित्रपटांचे दिग्दर्शन केले आहे त्यांच म्हणणे आहे की मी टॉम क्रुजपेक्षा चांगले अॅक्शन स्टंट करू शकते." या ट्विटमुळे कंगना प्रचंड ट्रोल होताना दिसत आहे. Ha ha ha bahut pareshaan hain librus, yeh Dekho renowned action director of Brave heart and many legendary Hollywood action films said I am better than Tom Cruise when it comes to action . Hahahahaha bechare librus aur tadpo. — Kangana Ranaut (@KanganaTeam) February 9, 2021 या आधी केलेल्या दोन ट्विटमुळे कंगना ट्रोल झाली होती. एका ट्विटमध्ये कंगनाने संपूर्ण जगात आपल्यासारखी प्रतिभावान अभिनेत्री कोणीच नाही असे म्हटले होते. तर दुसऱ्या ट्विटमध्ये कंगनाने स्वत:ची तुलना ही तिनवेळा ऑस्कर पुरस्कार जिंकणाऱ्या अभिनेत्री मेरील स्ट्रिप आणि हॉलिवूड अभिनेत्री गॅल गॅडोटशी केली होती. आणखी वाचा- माझ्या इतकी प्रतिभावान अभिनेत्री संपूर्ण पृथ्वीवर शोधून दाखवा, सापडली तर…; कंगनाचं ट्विट कंगना लवकरच ‘थलाइवी’ या चित्रपटात दिसणार आहे. या चित्रपटात ती तामिळनाडूच्या दिवंगत माजी मुख्यमंत्री जयललिता यांची भूमिका साकारत आहे. याशिवाय तिचा ‘तेजस’ हा चित्रपटही प्रेक्षकांच्या भेटीला येत आहे. सध्या कंगना आता धाकड या चित्रपटाच्या चित्रीकरणात व्यस्त आहे.