बॉलिवूड अभिनेत्री कंगना रणौत तिच्या सडेतोड वक्तव्यासाठी विशेष ओळखली जाते. तिने अभिनेता सुशांत सिंह राजपूत आत्महत्या प्रकरणात तिचे मत मांडले. तिने सुशांतने घराणेशाहीला कंटाळून आत्महत्या केल्याचे म्हणत महेश भट्ट, करण जोहर आणि इतर स्टारकिड्सवर निशाणा साधला. आता तिने सोशल मीडियावर सुरु असणाऱ्या सारा आणि सुशांतच्या रिलेशनशीपच्या चर्चांवर वक्तव्य केले आहे. कंगनाने सुशांत आणि साराच्या रिलेशनशीपची बातमी शेअर करत ट्विट केले आहे. सारा आणि सुशांतच्या अफेअरच्या चर्चा सध्या मीडियामध्ये पाहायला मिळतात. आउटडोर शूटिंगच्या वेळी दोघांनी एकच रुम शेअर केली होती. का हे फॅन्सी नेपोटिजम किड्स संवेदनशील आउटसायर्डसला स्वप्न दाखवतात आणि नंतर त्यांना सर्वांसमोर सोडून देतात? या आशयाचे ट्विट कंगनाने केले असून तिने सारावर निशाणा साधला आहे. News of SSR and Sara affair was all over the media, apparently they were even sharing a room during their outdoor, why these fancy Nepotism kids show dreams to vulnerable outsiders and then publicly dump them?No wonder he fell for a vulture post that. — Kangana Ranaut (@KanganaTeam) August 20, 2020 सुशांत आणि साराने 'केदारनाथ' या चित्रपटात एकत्र काम केले होते. तसेच या चित्रपटातून साराने बॉलिवूडमध्ये पदार्पण केले. या चित्रपटाचे दिग्दर्शन अभिषेक कपूरने केले. अभिषकने सुशांतला 'काई पो चे' या चित्रपटातून लाँच केले होते. त्यामुळे त्यांनी केदारनाथ या चित्रपटात पुन्हा एकत्र काम केले. केदारनाथ चित्रपटाच्या वेळी सुशांत आणि साराच्या अफेअरच्या रंगल्या होत्या. पण या चित्रपटानंतर ते कोणत्याही इवेंटमध्ये एकत्र दिसले नाहीत. सुशांत आणि साराच्या अफेअरच्या चर्चा सुशांतचा मित्र सॅम्युअल होकिपने केलेल्या पोस्टमुळे पुन्हा सुरु झाल्या होत्या. त्याने त्याच्या इन्स्टाग्राम अकाऊंटवर मला आजही आठवते केदारनाथ चित्रपटाच्या प्रमोशनच्या वेळी सुशांत आणि सारा एकमेकांच्या प्रेमात होते. ते एकमेकांचा तितका आदरही करायचे आणि हा आदर फार कमी रिलेशनशीपमध्ये पाहायला मिळतो. सारा सुशांतसोबतच त्याच्या कुटुंबीयांचा, मित्रांचा तसेच त्याच्यासाठी काम करणाऱ्या प्रत्येक व्यक्तीचा आदर करायची. मात्र सुशांतचा सोनचिडिया हा चित्रपट प्रदर्शित झाला आणि अचानक साराने ब्रेकअप केला. त्याच्या ब्रेकअपचे कारण मला आजही समजले नाही. त्यांचा ब्रेकअप बॉलिवूड माफियांच्या दबावामुळे झाला असावा असे म्हटले होते.